JI’TE 4
Yéso Kristo be we?
1. Yéso le sô’ tse vôk m tchi ge ke?
Ma m ma Yéso le gre ge bawele khou’ ne fou’te ne é ha beng é?—MATIO 11:29; MARKOUSI 10:13-16.
Yéso be é le lendze tchwe tse kèbeng te pou ti dze é demtcha’a. Sôm mo te si be ye po’o pe. (Yohané 8:23) É be dendze ne mbou fa’ Si, be é neng kwite ne fa’ ne bem pye-she potse. É be yu do é ye kwa’ Jéova ne bem é te tchye m ne mou’ mo a; ya ne gre te pou pe khé é ge “kwi Mou” Si. (Yohané 1:14) Pa’ Si le de é ne gôm nwe a, pou khé é ba ge “Ghôm.”—Ké Proverbes 8:22, 23, 30; Kolosai 1:15, 16.
2. Yéso le sô’ demtcha’ ne ghe la?
Si be é le ning vôk mou é tchum vam ta’ mdjwi go ye Youdéa, tso tsye pe Maria, te ne tchya é demtcha’a. A pe thoute ge Ta Yéso la te be momsoung pe (Loukasi 1:30-35). É le sô’ demtcha’ (1) ne ji’te nyenyô ne Si (2) ne la’te fo’te ne tchi ne ghe ywe ye Si tcheng a ba tchum mgheghô, bing gre (3) ne ha ye vôk dôlô “pa’ ywe ne djo tse” a.—Ké Matio 20:28.
3. Nweke a tcheng ta’ ywe ne djo tse bi pe?
Ywe ne djo tse be ywe ye pou bé ne bvôk mo ye pou ke bo tcheng ne jwe é a. (Exode 21:29, 30) Ne ne to’, vu ba ne vo la te be ne ye ne kwègne Si ne pômneng pe. Pe de ke jye ya? Si be é le ghôm bi dendze mbè, Adam, ge é la’ tchuôtse bi é, be é gô pfu. A thoute ge Adam le pé’é thakte hô, be é la te gô la’ pfu pe. (Genèse 2:16, 17; 5:5) Pa’ Bible ne gôm a, vu tchye m ne é te “kho” tchum dzu. É neng thak hô ba pôgne si é, ye a be vu a, bi goung khegne é. A bo tcheng ywe ne djo tse bi pe te pe ne bvôk ne vu ye Adam le tak bi pe a.—Ké Roma 5:12; 6:23.
We ke fing ne ha ywe ne djo tse te ne tchuô wôkpe ne mbou vu? Sôm mo mhô la te fing ne pé ne mhô pyeshe pô, nekele tchwe ye mo pfu a é bé pe da’ ye mhô mye.—Ké Psaume 49:7-9.
4. Yéso le pfu ne ke?
Yéso le be dôlô, sôm momsoung le neng be ye po’o. A la te bo tcheng ge é pfu ne mhô mye pe—a be é lam fe hô nwe. É le pfu ne mhô pyeshe pô. Jéova be é la’te kwa’ me koungne gwye bi moneng tchwe ye é le tchya mou é ge é pfu ne yôkpe tse a. Ba Yéso be é le la’te ye koungne tchwe ye é le you’gne bi tap é te ha vôk é ne mhô môkpe a.—Ké Yohané 3:16; Roma 5:18, 19.
Yô vidéo Nweke Yéso le pfu?
5. Yéso bo fa’ ke tyô’ô?
Tchwe ye é le be demtcha’ a, Yéso le ba mghè gho, djam mpfe pô ne vu neng bing kwite pô pye wap le djô go’ a. É le tchye m po’o, da’te ywe ye é gô ti ghe bi goung pô pye wap djou’gne bi Si a. (Matio 15:30, 31; Yohané 5:28) É le neng pfu, Si ping djam é ne vu pa’ ta’ mo jwégne a. (1 Pètro 3:18) É ping byap ne pou tuô Jéova, te Jéova ha pawa bi é ne ne sa’ pa’ Fo a ne goung demtcha’a. (Ébraika 10:12, 13) A be tyô’ ô, é po sa’ tse kèbeng, pekhu pye neng bo sing tchoung pepoung ne Nefo bô tchum dzu awè.—Ké Daniel 7:13, 14; Matio 24:14.
A tchu’ mou ywe Yéso le pawa é pa’ Fo a ne simgne goung mgheghô awè ba pô pye wap gre ya le. Goung pô pye wap da’te pintum ne é, tchye m ne yap ne you’gne a gô sô’ tchwe tchum paradisi demtcha’a.—Ké Psaume 37:9-11.
