Tchwe ye Yéso le bo gô pfu a, é le ghômte pou a pô pfue ne pekhu pye​—Pètro, Yakop, Yohané ba André. É le ghôm nwe bi pou ne “mting mye a [le] gô sôʼ laʼte ye tchwe a”, mye a le gô tchyete ne mtyèʼdzu jum a, neng ha taʼ hente tuôdeng bi pou: “We be gè faʼ dendeng ba djyenwe, ye tap é djap é dze laʼ é ne pô ge é pe khim wap ne tchwe ye é djap a?” (Matio 24:3, 45; Markousi 13:3, 4) Tchwe ye Bible gôm nwe ne ne “khim wap” a, a thoute ge ne ha ywetsu jwégne bi pou, a pe tse tsye pou dagne ne Si a. Yéso, ‘ta gè faʼ, le bo khaʼgne bi pekhu pye ge é gô tchwôʼ pô pye wap gô ti ha ywetsu jwégne bô bi pou tchum mtyèʼdzu jum a. We le gô pe gè faʼ bô?

A be mou deng ne mkritè pye Si le jwégne é tchwôʼ wap a. “Gè faʼ” bô be Pe Laʼte Jye pe Mkwithè Jéova. É ha ywetsu jwégne bi pyeshe mghè faʼ Jéova Si. Pye tchye daʼ m ne é te gre yôk deng “ywetsu ne tchwe ye a poung a.”​—Loukasi 12:42.

É dé “dye Si”. (1 Timotio 3:15) Yéso be é ha faʼ gwye bi gè faʼ bô, ne lé potse ba mfaʼ bemte Jéova dem sitchaʼa​—ne sing ghôm Si ba ne ha jiʼte tchum mbemte môk. Gè faʼ dendeng ba djyenwe ha ywetsu jwégne bi pye, tchye m ne potse tsye pye ne sing ghôm Si a, ba ne mjiʼte mye pou ha tchwe mtchouʼte bemte ba mtchouʼte gwye môk a, a pe kwaʼ ywe ye a we tcheng bi pye kwaʼ ne tam ye a we tcheng a.

Gè faʼ bô be dendeng ne potse nyenyô mye a them tchum Bible a ba ne tsye faʼ ne sing tchoung pepoung. É neng be djyenwe dou paʼ é tchente dé potse Kristo demtchaʼ a. (Mfaʼ 10:42) Jéova ne ning byagne ne é, gre ge deng Mkwithè kwiʼ neng kwite é ne ping ha ywetsu jwégne bi pou te a yôm.​—Isaïe 60:22; 65:13.

• Yéso be é tchwôʼ we ge é pe ha ywetsu jwégne bi pekhu pye?

• Nweke pou fing ne ghôm ge gè faʼ bô be dendeng bing be djyenwe?