Bible gôm nwe ne pô jye pue pye a be wap ghe faʼ tchum bemte mkritè a​—pe lé tsuʼ ba mghè faʼ kwite. (Filipo 1:1) Tchum baya bemte le, pou doʼgne djô medou mfe pebè wap pe mghetso pou a mghè faʼ kwite. Mghè faʼ kwite faʼ ke ne kwite wôk?

Wap kwite mghetso. Mghè faʼ kwite be mso Jéova, be dendeng, be ning tse yap ne ywe ye wap gre a, ke wap yôm, ke khôk ne mgouʼdzu le. Wap faʼ mfaʼ tuôdeng mye pou doʼgne faʼ tchum bemte, a le pe ne jiʼte pô ke ne faʼ faʼ byap dze a le. Ya bô né pe kwite mghetso ne tchente djap mkwègne map ne faʼ tsap ye a be ne jiʼte ba ne lé pô bemte a.

Wap bing ne kwite pô bemte. Faʼ she mghè faʼ kwite be ne le pô tchwe ye wap khem Dye Nefo a. She faʼ ne ywe ne kwiʼ mgi, she pe sè khap, she pe ha mŋwaʼgne ba mkam tsuʼ ne sing tchoung pepoung bi pô bemte. Wap tchu pou ne mfaʼ ne nyapte Dye Nefo. Mghetso be mouʼtchwe gôm bi pou ge wap kwite pô pye a be wap vo a. Mfaʼ mghè faʼ kwite pe ba deng ge kele, be wap de pountum ne faʼ ya, a ghe ge pou pe ha mkhouʼ map.​—1 Timotio 3:13.

Wap ha foʼte pepoung. Ywe ye a gre te pou le mo gre gè faʼ kwite a be ma pepoung kritè ye a be é ghe a. Tchwe ye wap tchye taʼ jeng ne mtchouʼte a, wap kwiʼ pintum yôk. Wap tsegne wôk ne ghe ne demlem tchwe ye wap de tse dze ne faʼ ne sing ghôm Si a. Paʼ wap tchente faʼ pou a mghetso a, a gre ge ŋwègne ba thamte pe tchetche pye. (Éféso 4:16) Tam fing ne ne tchye, wap faʼ te dogne mkhète ne ji mghetso.

• Mghè faʼ kwite be pa tchi pô?

• Wap gre la te ne gre ge bemte tchente ging?