Pye ghoʼte o paʼ o de tam ne jiʼte kam ŋwaʼgne yenge ne ne tchente jye wôk, mfaʼ môk ba tchi paʼ bemte yôk ne ging a. Pye kwè ge a tchente kwite o ne yô ge pye be pô pye wap gre ywe ye Si tcheng a. Pye we seso o ge o pe dagne ne jye Si ne gô pe m dze, ne pe ghôm nwe ne potse tsye o dagne a bi pô toundye o pou a mso pou, ne neng be sôʼ goung mtam awè ne mtchouʼte môk.​—Ébraika 10:23-25.

Tchwe ye o gô pe le ne lagne ne jye Jéova ne ghô pe m dze a, o gô yô paʼ é koung o a. A gô neng kwite o ne ghe goung ywe ye o kouʼgne ne ghe a ne ne koung é ye. (1 Yohané 4:8-10, 19) Te o fing ne laʼte goung mtyèʼ awè ge a be you ji m tchi ge ke? Nweke ne ying ne mkhète Bible mye a daʼte ywe ye a poung ba ye a pôk a gô kwite a kwaʼ wou? Ke fing ne kwite o ne sôʼ pe pemte be gre ywe ye Si tcheng a. Mo ye é jiʼte o Bible a gô ŋwègne ne kwite o ne ha mpaʼ ne mhente meng, ne ne kwite o pou a toundye o ne “tchwe pe tchum koungne Si, . . . ne vôk mama.”​—Youda 21.

Pye we de ŋwègne gôm bou ge o pe ging ne medjye nyenyô ne gô pe m dze tchye m ne ne lagne pouʼ ŋwaʼgne yenge . . .