Jue Mun 109:1-31
Ɔ ti jue tofuɛ’m be su kpɛn’n i liɛ. Davidi i jue-ɔ.
109 Ee Ɲanmiɛn, wɔ mɔ n manman wɔ’n,+ nán tran lɛ sa ngbɛn.
2 Afin klunwifuɛ mun nin gblɛfuɛ’m be kan minwun ndɛ.
Be fa be taaman m’ɔ bua ato’n be kan min ndɛ.+
3 Be bo sin yia min, kpɛkun be kan min ndɛ tɛtɛ,yɛ be tɔ min su, kusu nn m’an yoman like fi.+
4 Kɛ n kle be kɛ n klo be’n, be kan min wun ndɛ tɛtɛ.+
Sanngɛ n srɛ Ɲanmiɛn titi.
5 Kɛ n yo be kpa’n, be yomin tɛ,+kɛ n klo be’n, be kpɔ min.+
6 Yo maan klunwifuɛ kun sie min kpɔfuɛ’n.*
Maan ɲrun tanndanfuɛ* kun jrɛn i sa fama su.
7 Kɛ bé dí i jɔlɛ’n, maan be se kɛ ɔ yoli sa tɛ.*
Maan i srɛlɛ’n bɔbɔ kacisa tɛ.+
8 Nán maan i cɛn’m be sɔn,+sran su nianlɛ junman ng’ɔ di’n, maan sran uflɛ di.+
9 Maan i mma’m be ka aika,yɛ maan i yi’n kaci angbeti.
10 Maan i mma’m* be wlanwlan be srɛsrɛ like,maan be ko kunndɛ aliɛ be sua nvuɛnnvuɛn’m be wun mmua.
11 Maan sran nga i kalɛ o i su’n, ɔ fɛ i ninnge’m be kwlaa,yɛ maan aofuɛ’m be fɛn i bo ninnge mun.
12 Nán maan sran fi yo i ye,*
yɛ nán maan sran fi si i aika mma’m be aunnvɔɛ.
13 Maan be nunnun i mma mun,+maan be dunman’n nunnun be nga bé wá jáso su’n be afiɛn.
14 Maan Zoova i wla kpɛn i nannan’m be fɔnlɛ’n su,+yɛ nán maan be nunnun i nin’n i sa tɛ’n.
15 Maan Zoova fɛ i ɲin sie i sa nga be yo’n su titi.
Yɛ nán maan be wla kpɛn be su kun asiɛ’n su.+
16 Afin i wla w’a kpɛnman aklunye yolɛ’n su,*+
sanngɛ ɔ suli ɲrɛnnɛnfuɛ’n,+ m’ɔ ti yalɛfuɛ’n, mɔ i awlɛn w’a kpɔtɔ i klun’n i su titi
naan ɔ́ kún i.+
17 Ɔ kloli sannzan bolɛ, ɔ maan ɔ tɔli i bɔbɔ su,w’a kunndɛman kɛ ɔ́ bó muae mán sran, ɔ maan w’a ɲanman muae.
18 Ɔ fali sannzan wlɛli i wun kɛ tralɛ sa.
Yɛ ɔ wluwluli i wunnɛn’n nun kɛ nzue sa,ɔ wluwluli i owie’m be nun kɛ ngo sa.
19 Maan i sannzan’n yo kɛ kondro m’ɔ fa kɛtɛ iwun’n sa,+yɛ maan ɔ yo kɛ kplo m’ɔ fa ci i bo titi’n sa.
20 Like nga Zoova wá fá yó sran ng’ɔ tanndan min ɲrun’n,+ɔ nin sran ng’ɔ kan min wun ndɛ tɛtɛ’n yɛ ɔ o lɛ-ɔ.
21 Sanngɛ Zoova, wɔ mɔ a ti min Min mɔ a Sie Like Kwlakwla’n,yo min ye, ɔ dunman’n ti.+
De min, afin ɔ sran klolɛ dan’n ti kpa.+
22 Afin n leman ukafuɛ yɛ n ti yalɛfuɛ,+yɛ min awlɛn’n w’a kpɔtɔ min klun.+
23 N sin n kɔ kɛ fɔnvɔ m’ɔ sin’n sa,b’a finndin min b’a yi i lɔ kɛ lalo sa.
24 Nglɛmun cilɛ’n ti’n, min ja nannglunman’m b’a glɔglɔ.
M’an wiewie, yɛ n su yo kokloo.*
25 M’an kaci finfinfuɛ be ɲrun.+
Kɛ be wun min’n, be keje be ti’n.+
26 Ee Zoova, min Ɲanmiɛn, uka min.
De min ɔ sran klolɛ dan’n ti.
27 Maan be wun i wlɛ kɛ ɔ sa’n yɛ ɔ yoli sa sɔ’n niɔn.
Ee Zoova, maan be wun i wlɛ kɛ wɔ yɛ a yoli-ɔ.
28 Maan i li be bo sannzan, sanngɛ ɔ liɛ’n yra min su.
Sɛ be jaso min wun’n, maan be ɲin gua ase,sanngɛ maan ɔ sufuɛ’n di aklunjɔɛ.
29 Be nga be tanndan min ɲrun’n, maan be ɲrun ɲannzuɛn’n yo kɛ tralɛ mɔ b’a wla’n sa.
Maan ɔ kata be wun kɛ tralɛ tɛnndɛn wie* mɔ b’awla’n sa.+
30 Ń fá min nuan’n ń mánmán Zoova juejue su.
Ń mɛ́nmɛ́n i sran kpanngban ɲrun.+
31 Afin ɔ́ jrán yalɛfuɛ’n i sa fama su,naan ɔ́ dé i be nga be bu i fɔ’n be sa nun.
Ja ngua lɔ ndɛ mun
^ Ebr., “sie i.”
^ Annzɛ “suɛn tɔnfuɛ.”
^ Annzɛ “ɔ ti klunwifuɛ.”
^ Ebr., “i mma yasua mun.”
^ Annzɛ “Nán maan sran fi yi sran klolɛ dan’n i nglo i lika.”
^ Annzɛ “sran klolɛ dan’n i nglo yilɛ’n su.”
^ Ebr., “Min nnɛn ba’n w’a yo kaan, lui (ngo) nunman nun.”
^ Annzɛ “tralɛ tɛnndɛn m’ɔ leman sa’n.”
