Job 14:1-22
14 “An tawo, na ipinangaki nin babayi,Halipot an buhay+ asin pano nin kasakitan.*+
2 Minabukad siya na garo burak asin pagkatapos naluluyos;*+Nagdudulag siya na garo anino asin nawawara.+
3 Iyo, itinuruhok mo sa saiya an saimong mata,Asin iiniba mo siya* sa korte para husgaran.+
4 Puwede daw na an saro na malinig maggikan sa saro na maati?+
Dai nanggad!
5 Kun napagdesisyunan na an saiyang mga aldaw,Nasa kamot mo na an bilang kan saiyang mga bulan;Binugtakan mo siya nin limitasyon tanganing dai siya lumampas diyan.+
6 Ipundo mo an pagparahiling saiya tanganing makapahingalo siya,Sagkod na matapos niya an saiyang aldaw kapareho nin sarong tangdanan na trabahador.+
7 Huli ta may paglaom maski an sarong puon nin kahoy.
Kun paludon iyan, masupang giraray iyan,Asin an mga sadit na sanga kaiyan padagos na matubo.
8 Kun maggurang na an gamot kaiyan sa dagaAsin maalang an pungo kaiyan,
9 Sa parong nin tubig masupang iyan;Asin magkakaigwa iyan nin mga sanga kapareho nin bagong tanom.
10 Pero an tawo nagagadan asin nawawara an gabos niyang kusog;Pag nagadan an tawo, hain na siya?+
11 Nawawara an tubig sa dagat,Asin nauubusan nin tubig an salog tapos namamara.
12 Siring man, an tawo minahigda asin dai na minabangon.+Sagkod na dai nawawara an langit, dai sinda mamata,
Ni mapapagmata man sinda sa saindang pagkakaturog.+
13 Itago mo tabi ako sa Lubungan,*+Itago mo ako sagkod na maglihis an saimong kaanggutan,Magtalaan ka nin panahon para sa sako asin girumdumon mo ako!+
14 Kun magadan an sarong tawo, mabubuhay pa daw siya giraray?+
Mahalat ako sa gabos na aldaw kan sakuyang puwersahan na pagtrabahoSagkod na umabot an kaginhawahan ko.+
15 Maapod ka, asin masimbag ako.+
Hihidawon mo* an gibo kan saimong mga kamot.
16 Alagad ngunyan, pigpaparabilang mo an kada lakad ko;An pigpaparabantayan mo iyo an kasalan ko.
17 An sakuyang paglapas nakalaag sa sarong lalagan na selyado,Asin sinasarahan mo nin pulot an pagkakasala ko.
18 Kun paanong nagrarasay asin natutumpag an sarong bukidAsin nahahali an sarong gapo sa namumugtakan kaiyan,
19 Kun paanong napupudpod kan tubig an mga gapoAsin inaanod kan sulog kaiyan an daga,Arog mo kaiyan hinahali an paglaom nin tawong mortal.
20 Padagos mo siyang dinadaog sagkod na siya mapara;+Binabago mo an saiyang itsura, asin isinusubol mo siya.
21 Tinatawan nin onra an saiyang mga aki, pero dai niya iyan naaaraman;Nagigin hamak sinda, pero dai niya iyan nahihiling.+
22 Namamatian niya sana an kulog kan hawak* niyaAsin nagmumundo sana siya* mantang buhay pa siya.”
Mga Nota
^ O “grabe an kapurisawan.”
^ O posibleng “asin pinuputol.”
^ Sa literal, “ako.”
^ O “Mamawuton mong mahiling giraray.”
^ O “lawas.”
^ O “an saiyang kalag.”
