Salmo 138:1-8
Salmo ni David.
138 Uumawon taka nin bilog kong puso.+
Sa atubangan kan ibang mga diyos,Makanta ako nin mga pag-umaw sa saimo.*
2 Maduko ako paatubang sa direksiyon kan saimong banal na templo,*+Asin uumawon ko an saimong pangaran+Huli sa saimong maimbod na pagkamuot asin kaimbudan.
Huli ta ibinantog mo nin mas urog pa kisa sa gabos na bagay an saimong tataramon asin an saimong pangaran.*
3 Kan aldaw na mag-apod ako, sinimbag mo ako;+Ginibo mo ako* na magin pusuan asin makusog.+
4 Uumawon ka kan gabos na hadi sa daga, O Jehova,+Huling madadangog ninda an itinaram mong mga panuga.
5 Mag-aarawit sinda manungod sa mga dalan ni Jehova,Huling an kamurawayan ni Jehova dakula.+
6 Dawa si Jehova halangkaw, tinatawan niya nin atensiyon an mapakumbaba,+Alagad an mapalangkaw midbid lang niya sa harayo.+
7 Dawa kun naglalakaw man ako sa tahaw nin peligro, pápagdanayon mo akong buhay.+
Iuunat mo an saimong kamot laban sa kaanggutan kan mga kalaban ko;Ililigtas ako kan tuong kamot mo.
8 Papangyarihon ni Jehova na maisagibo an gabos na bagay alang-alang sa sako.
O Jehova, nagdadanay sagkod lamang an maimbod na pagkamuot mo;+Dai mo pagpabayaan an mga gibo kan mga kamot mo.+
Mga Nota
^ O posibleng “Bilang paglaban sa ibang mga diyos, magibo ako nin musika para sa saimo.”
^ O “santuwaryo.”
^ O posibleng “ibinantog mo an saimong tataramon nin mas urog pa kisa sa saimong pangaran.”
^ O “an kalag ko.”
