Salmo 82:1-8
Salmo ni Asaf.+
82 Pinamayuhan nin Diyos an banal na katiripunan;*+Sa tahaw kan mga diyos* siya naghuhusgar:+
2 “Sagkod nuarin kamo maghuhusgar na daing hustisya+Asin magpapahiling nin pagpaurog sa mga maraot?+ (Selah)
3 Idepensa* nindo an mga hamak asin an mga mayo nang ama.+
Tawan nin hustisya an daing kalaban-laban asin dukhang-dukha.+
4 Isalbar nindo an hamak asin an dukha;Iligtas nindo sinda sa kamot kan mga maraot.”
5 Dai ninda* aram, ni nasasabutan man ninda;+Naglalakaw-lakaw sinda sa kadikluman;Tinatanyog an gabos na pundasyon kan daga.+
6 “Nagsabi ako, ‘Kamo mga diyos,*+Gabos kamo mga aki kan Kahuruhalangkawi.
7 Alagad magagadan kamo arog kan ibang tawo;+Asin mabaragsak kamo arog nin siisay man na iba pang lider!’”*+
8 Tumindog ka, O Diyos, asin hukuman mo an daga,+Huling an gabos na nasyon sadiri mo.
Mga Nota
^ O “an katiripunan kan Banal na Diyos.”
^ O “mga arog-diyos.”
^ O “Husgaran.”
^ An buot sabihon, an “mga diyos” sa bersikulo 1.
^ O “mga arog-diyos.”
^ O “prinsipe.”
