Salmo 86:1-17
Pamibi ni David.
86 Ikiling mo an saimong talinga,* O Jehova, asin simbagon mo ako,Huling nasasakitan ako asin saro akong dukha.+
2 Bantayan mo an sakong buhay,* huling maimbod ako.+
Iligtas mo an saimong lingkod na nagtitiwala sa saimo,Huling ika an sakuyang Diyos.+
3 Kahirakan mo ako, O Jehova,+Huling bilog na aldaw akong nag-aapod sa saimo.+
4 Paugmahon mo an saimong lingkod,*Huling sa saimo, O Jehova, ako minadulok.*
5 Huli ta ika, O Jehova, marahay+ asin andam na magpatawad;+Abunda ka sa maimbod na pagkamuot para sa gabos na nag-aapod sa saimo.+
6 Dangugon mo, O Jehova, an pamibi ko;Asin tawan mong atensiyon an mga pakiulay ko nin paghagad nin tabang.+
7 Nag-aapod ako sa saimo sa aldaw na napupurisaw ako,+Huling sisimbagon mo ako.+
8 Mayo sa mga diyos an arog sa saimo, O Jehova,+Mayo nin mga gibo na arog kan sa saimo.+
9 An gabos na nasyon na saimong giniboMadurulok sinda asin maduruko sa atubangan mo, O Jehova,+Asin papamurawayon ninda an pangaran mo.+
10 Huli ta makapangyarihan ka asin naggigibo nin kahanga-hangang mga bagay;+Ika an Diyos, ika sana.+
11 Tukduan mo ako, O Jehova, manungod sa saimong dalan.+
Malakaw ako sa saimong katotoohan.+
Tawan mo ako nin dai nababangang puso* para magkaigwa ako nin pagkatakot sa saimong pangaran.+
12 O Jehova na sakuyang Diyos, inuumaw taka nin bilog kong puso,+Asin papamurawayon ko sagkod lamang an pangaran mo,
13 Huli ta dakula an maimbod na pagkamuot mo sa sako,Asin ilinigtas mo an buhay* ko hali sa kairaruman kan Lubungan.*+
14 O Diyos, minatumang sa sako an mga pangahas na tawo;+Gusto akong gadanon* nin sarong grupo nin daing hirak na mga tawo,Asin mayo sindang paggalang sa saimo.*+
15 Alagad ika, O Jehova, saro kang Diyos na mahihirakon asin mapagmalasakit,*Dai tulos naaanggot asin abunda sa maimbod na pagkamuot saka kaimbudan.*+
16 Riparuha ako asin kahirakan.+
Itao mo sa saimong lingkod an saimong kusog,+Asin iligtas mo an aking lalaki kan saimong uripon na babayi.
17 Pahilingan mo ako nin tanda* kan saimong karahayan,Tanganing mahiling ini kan mga nauungis sa sako asin mamugtak sinda sa kasusupgan.
Huli ta ika, O Jehova, an sakuyang paratabang asin pararanga.
Mga Nota
^ O “Dumuko ka asin magdangog.”
^ O “kalag.”
^ O “an kalag kan saimong lingkod.”
^ O “itinataas ko an sakuyang kalag.”
^ O “Gibuhang saro an sakong puso.”
^ O “kalag.”
^ O “Hinahanap an kalag ko.”
^ O “Asin dai ka ninda pinagdadanay sa saindang atubangan.”
^ O “marahay an buot.”
^ O “katotoohan.”
^ O “ebidensiya.”
