“Papahidon [nin Diyos] an gabos nindang luha. Mayo na nin kagadanan, kamondoan, pagtangis o kasakitan.”—Kapahayagan 21:3, 4, An Marahay na Bareta Biblia.

Garantiya na bakong Diyos an dahilan kan mga problema ta.—Santiago 1:13.

Karangahan huling aram tang nasasabutan nin Diyos an pagsakit na namamatian niyato.—Zacarias 2:8.

Paglaom na matatapos an gabos na pagsakit.—Salmo 37:9-11.

Iyo, huli sa duwang panginot na dahilan:

• An Diyos dai nanggad nauugma sa pagsakit asin inhustisya. Isip-isipa kun ano an namatian kan Diyos na Jehova sa grabeng pang-aapi sa mga lingkod niya kaidtong inot na panahon, arog kan isinaysay sa Bibliya. Sinasabi diyan na nakulgan siya ‘huli sa mga nagmamaltrato sa sainda.’—Hukom 2:18, Bagong Kinaban na Traduksiyon.

  Anggot si Jehova sa mga naggigibo nin maraot sa kapwa. Halimbawa, sinasabi kan Bibliya na ikinakabaldi niya an “mga kamot na nagpapabulos nin dugo nin daing sála.”—Talinhaga 6:16, 17.

• An Diyos may malasakit sato bilang indibidwal. Bako sanang an lambang tawo an nakakaaram kan “sadiri niyang pagsakit asin [kan] sadiri niyang kulog,” kundi aram man iyan ni Jehova!—2 Cronica 6:29, 30.

  Paagi sa saiyang Kahadian, madali nang tapuson ni Jehova an pagsakit kan gabos na tawo. (Mateo 6:9, 10) Pero mantang hinahalat ta iyan, may kapadangatan niyang rinaranga an siisay man na minadulok sa saiya.—Gibo 17:27; 2 Corinto 1:3, 4.