ICIPUSHO NA. 6
Finshi Baibo Yasobele Pali Mesia?
UBUSESEMO
“We Betelehemu Efrata, . . . Muli iwe e mukafuma uukaba kateka mu Israele.”
IFYO BWAFIKILISHIWE
“Ilyo papitile inshita ukutula apo Yesu afyalilwe mu musumba wa Betelehemu uwa mu Yudea mu nshiku sha Mfumu Herode, moneni! ababukila ku ntanda abafumine ku kabanga baliile ku Yerusalemu.”
UBUSESEMO
“Ba-akana ifya kufwala fyandi, kabili bapendula pa kwakana ica kufwala candi.”
IFYO BWAFIKILISHIWE
“Nomba ilyo abashilika bapoopeele Yesu pa cimuti, babuulile ifya kufwala fyakwe ifya kunse bafyakanya apali 4. . . . Babuulile ne ca kufwala cakwe ica mu kati. Ici ica kufwala tacakwete umulundo ukufuma pa muulu ukufika panshi. E ico balanshenye abati: ‘Twicilepula iyo, lelo natupendule, pa kuti twishibe uwalacisenda.’”
UBUSESEMO
“Alalinda amafupa yakwe yonse; takwaba nangu limo ilyakontokapo.”
IFYO BWAFIKILISHIWE
“Ilyo bafikile pali Yesu, basangile ukuti nafwa kale, e ico tabamufunine amolu.”
UBUSESEMO
“Ico bamulashiile ni pa mulandu wa filubo fyesu.”
IFYO BWAFIKILISHIWE
“Lelo umushilika umo amulashile ifumo mu mbafu, kabili ilyo line umulopa na menshi fyalifumine.”
UBUSESEMO
“Bampeele amalipilo yandi, indalama sha silfere 30.”
IFYO BWAFIKILISHIWE
“Lyena umo pa basambi 12 uo baleita ati Yuda Iskariote, aile ku ntungulushi sha bashimapepo kabili abepwishe ati: ‘Finshi mukampeela nga namufutuka pa kuti mukamwikate?’ Nabo bamwebele abati bali no kumupeela indalama sha silfere 30.”