Icine pa Bufumu bwa kwa Lesa
Yesu asambilishe abasambi bakwe ukulapepa ukuti: “Shifwe wa mu muulu, ishina lyenu libe ilya mushilo. Ubufumu bwenu bwise. Ukufwaya kwenu kucitwe pano isonde nga mu muulu.” (Mateo 6:9, 10) Bushe Ubufumu bwa kwa Lesa ni cinshi? Finshi bucita? Kabili mulandu nshi tufwile ukulapepela ukuti bwise?
Yesu E Mfumu ya Bufumu bwa kwa Lesa.
Pali Luka 1:31-33 patila: “Ukamwinike ati Yesu. Uyu akaba umukalamba kabili aketwa ati Umwana wa Wapulamo; kabili Yehova Lesa akamupeela icipuna ca bufumu ica kwa Davidi wishi, kabili akaba imfumu umuyayaya pa ng’anda ya kwa Yakobo, no Bufumu bwakwe tabwakabe ne mpela.”
Ubufumu bwa kwa Lesa e bo Yesu alelandapo sana ilyo alebila imbila nsuma.
Pali Mateo 9:35 patila: “Yesu aile alepita mu misumba yonse ne mishi, alesambilisha mu masunagoge yabo no kubila imbila nsuma ya Bufumu no kuundapa umusango onse uwa bulwele no musango onse uwa ntenda.”
Yesu alyebele abasambi bakwe ifyali no kubafwa ukwishiba ilyo Ubufumu bukesa.
Pali Mateo 24:7 patila: “Pantu uluko lukemina uluko lubiye no buteko bukemina ubuteko bubiye, kabili kukaba ifipowe ne finkukuma mu ncende shimo shimo.”
Muno nshiku abasambi ba kwa Yesu balabila pa Bufumu bwa kwa Lesa mwi sonde lyonse.
Pali Mateo 24:14 patila: “Ne mbila nsuma iyi iya Bufumu ikabilwa ku bantu bonse aba pe sonde ku kuba ubunte ku nko shonse; e lyo impela ikesa.”
Nalimo Kuti Mwatemwako ne fi
AMASUKO KU MEPUSHO YA MU BAIBOLO
Bushe Ubufumu bwa kwa Lesa Cinshi?
Moneni ico Ubufumu bwa kwa Lesa bwawamina ukucila amabufumu yonse.
AMASAMBILISHO YA MU BAIBO AYACINDAMA
Bushe Ubufumu bwa kwa Lesa ni Cinshi?
Ilyo Yesu ali pano isonde alesambilisha sana pa Bufumu bwa kwa Lesa ukucila pa lyashi ili lyonse. Pa myaka iingi abantu abengi balapepa ukuti ubu Bufumu bwise.
