Jeremaea 15:1-21
15 Biaen Jehova i talem long mi se: “Nating sipos Moses mo Samuel i stanap i stap long fored blong mi,+ be bambae mi no kaen nating long* ol man ya. Yu ronemaot olgeta long fes blong mi. Yu letem oli go.
2 Mo sipos oli askem long yu se: ‘?Bambae mifala i go wea?’ yu mas talem long olgeta se: ‘Hemia samting we Jehova i talem, i se:“!Man we i blong ded long bigfala sik, bambae i go long ples we i gat bigfala sik!!Man we i blong ded long naef blong faet, bambae i go long ples we i gat naef blong faet!+!Man we i blong ded long taem we kakae i sot, bambae i go long ples we kakae i sot!!Mo man we i blong go long kalabus, bambae i go long kalabus!”’+
3 Mo Jehova i talem se: “‘Bambae mi putumap fo trabol blong i lukaot long olgeta,*+ i gat naef blong faet blong kilim man, ol dog blong dragemaot dedbodi, mo ol pijin long heven mo ol wael animol long wol blong oli kakae mo oli distroem olgeta.+
4 Mo bambae mi mekem olgeta oli kam olsem wan samting we olgeta kingdom blong wol oli fraet long hem,+ from samting we Manase boe blong Hesekia, king blong Juda, i bin mekem long Jerusalem.+
5 O Jerusalem, ?hu bambae i sore long yu??Hu bambae i kam serem sore wetem yu??Mo hu bambae i kam stop blong askem long yu sipos yu oraet?’
6 Mo Jehova i talem se: ‘Yu yu lego mi finis.+
Yu gohed blong tanem baksaed long mi.*+
Taswe bambae mi stretem han blong mi blong agensem yu mo mi distroem yu.+
Mi mi taed finis blong sore long yu.*
7 Mo bambae mi yusum fok blong sakemaot olgeta, long ol get blong kantri ya, olsem we man i mekem long wit.
Bambae mi mekem se oli lusum ol pikinini blong olgeta.+
Bambae mi distroem ol man blong mi,From we oli no wantem tanem baksaed long ol rod blong olgeta.+
8 Long fes blong mi, ol wido blong olgeta bambae oli kam plante moa bitim ol sanbij long solwota.
Long medel dei, bambae mi tekem wan man blong distroem samting, i kam faet agensem olgeta, yes agensem ol mama mo ol yang man.
Bambae mi mekem se wantaem nomo oli fraet mo tingting blong olgeta i trabol.
9 Woman we i bonem seven pikinini, i slak gogo i hafded,Hem* i stap traehad blong pulum win.
San blong hem i draon finis nating se i delaet yet,Samting ya i mekem sem nomo mo i daonem man.’*‘Mo smol haf blong olgeta we oli stap yetBambae mi letem olgeta oli go long naef blong faet, long fes blong ol enemi blong olgeta.’ Hemia nao tok blong Jehova.”+
10 O mama blong mi, sore tumas long mi, from we yu bonem mi,+Nao mi kam stamba blong ol raorao mo ol faet long kantri ya.
Mi mi no stap lon mo mi no boroem samting long narafala,Be olgeta evriwan oli stap singaot trabol i kam long mi.
11 Jehova i talem se: “Mi talem tru, bambae mi mekem samting blong givhan gud long yu,Long taem blong trabol, mi talem tru, bambae mi toktok long bihaf blong yu,Mo long taem blong harem nogud, taem enemi i agensem yu.
12 ?I gat wan man i save brebrekem aean long smosmol pis,Hemia aean we i kam long not, mo kopa?
13 Bambae mi givimaot ol gudfala samting mo ol sas samting blong yufala, olsem se ol man oli kam stilim.+
Bambae mi no mekem blong kasem mane, be from olgeta sin we yufala i stap mekem olbaot long ol teritori blong yufala.
14 Bambae mi givim olgeta long ol enemi blong yufalaBlong oli tekem i go long wan kantri we yufala i no save.+
From kros blong mi i statem wan faea,Mo i stap laet blong bonem yufala.”+
15 O Jehova, yu yu save,Yu tingbaot mi mo yu lukluk i kam long mi.
Long bihaf blong mi, yu givimbak long ol man we oli stap ronem mi blong kilim mi.+
Yu no letem mi mi lus,* from yu slo blong soemaot kros blong yu.
Yu mas save se ol man oli stap tok nogud long mi from nem blong yu.+
16 Mi faenem ol tok blong yu mo mi kakae olgeta,+Mo tok blong yu i mekem hat blong mi i glad mo i harem gud,From ol man oli stap singaotem mi long nem blong yu, O Jehova God we yu komanda blong ol ami.
17 Mi mi no sidaon wetem kampani blong ol man we oli stap mekem samting blong harem gud nomo mo oli glad.+
Mi mi sidaon mi wan nomo from we han blong yu i stap long mi,From yu mekem we kros i fulap gud long mi.*+
18 ?From wanem soa we mi harem i stap longtaem, mo kil blong mi i no save kam gud?Hem i no wantem kam gud.
?Bambae yu yu olsem wan krik we i giaman se i gat wotaWe man i no save dipen long hem?
19 Taswe, hemia samting we Jehova i talem, i se:“Sipos yu kambak, ale bambae mi putumbak yu long ples blong yu,Mo bambae yu stanap long fored blong mi.
Sipos yu seraotem sas samting long samting we i nating nomo,Bambae yu kam olsem maot blong mi stret.*Bambae olgeta oli tanem olgeta i kam long yu,Be yu bambae yu no mas tanem yu i go long olgeta.”
20 Mo Jehova i talem se: “Mi mi mekem yu yu kam olsem wan strong wol blong kopa, long medel blong ol man ya.+
Bambae oli mas faet agensem yu,Be bambae oli no win taem oli agensem yu,*+From mi mi stap wetem yu, blong sevem yu mo blong tekemaot yu,
21 Mo bambae mi tekemaot yu long han blong ol man nogud,Mo mi pemaot yu long han blong ol man we oli raf we oli raf.”
Ol futnot
^ NT: “bambae sol blong mi i no kam klosap long.”
^ MNT: “fo kaen jajmen.” PT: “fo famle.”
^ MNT: “gohed blong arier.”
^ NT: “finis blong rigret.”
^ MNT: “I mekem hem i sem mo i harem nogud.”
^ NT: “Sol blong hem.”
^ PT: “Yu no tekemaot mi.”
^ NT: “we wan mesej blong trabol i fulap gud long mi.”
^ NT: “kam olsem man blong talemaot tok blong mi.”
^ NT: “bambae oli no winim yu.”
