Jeremaea 2:1-37
2 Tok blong Jehova i kamtru long mi se:
2 “Yu go toktok long sora blong Jerusalem, yu se: ‘Hemia samting we Jehova i talem:“Mi mi tingbaot gud, fasin blong yu blong holemstrong* taem yu yangfala,+Lav we yu soemaot taem oli blokem yu blong mared,+Mo olsem wanem yu bin folem mi long draeples,Long wan graon we oli no bin saksakem sid long hem.+
3 Bifo Jehova i luk Isrel se i tabu,+ i olsem ol fasfrut we hem i tekemaot long garen.”’‘Eni man we i stap spolem hem bambae i gat fol.
Bambae trabol i kasem olgeta.’ Hemia nao tok blong Jehova.”+
4 Yufala long haos blong Jekob, mo evri famle long haos blong Isrel,Yufala i harem tok blong Jehova.
5 Hemia samting we Jehova i talem:“?Wanem rong we ol olfala blong yufala oli luk long mi,+Nao oli go longwe tumas long mi,Mo oli stap wokbaot folem ol aedol we oli nating nomo,+ nao olgeta tu oli kam olsem nating nomo?+
6 Oli no bin askem se: ‘?Wehem Jehova,Man ya we i tekemaot yumi long kantri ya Ijip,+Mo i lidim yumi tru long draeples,Tru long wan ples we i drae+ mo i gat ol hol,Tru long wan ples we i no gat ren nating long hem,+ mo i tudak olgeta,Tru long wan ples we ol man oli no stap pas long hemMo long ples we ol man oli no stap laef long hem?’
7 Nao mi tekem yufala i go long wan graon blong ol frut tri,Blong yufala i kakae ol frut long hem mo ol gudgudfala samting long hem.+
Be yufala i kam insaed, yufala i mekem graon blong mi i doti,Yufala i mekem samting we i blong mi, i kam nogud we i nogud.+
8 Ol pris oli no bin askem se: ‘?Wehem Jehova?’+Olgeta we Loa i stap long han blong olgeta, oli no save mi,Ol man blong lukaot long sipsip oli rebel agensem mi,+Ol profet oli stap talemaot ol profet tok we i kam long Bal,+Mo oli stap folem olgeta we oli no save givhan long man nating.
9 ‘Taswe bambae mi kros moa long yufala,+Mo bambae mi kros long ol pikinini blong ol pikinini blong yufala.’ Hemia nao tok blong Jehova.
10 ‘Be yufala i traem gokros i go long ol ples klosap long solwota long* Kitim+ mo yufala i traem luk.
Yes, yufala i sanem wan mesenja i go long Kedara+ mo yufala i tingting gud long hem,Yufala i traem luk sipos wan samting olsem i hapen bifo finis.
11 ?I gat wan nesen we i bin jenisim ol god blong hem wetem ol samting we oli no ol god?Be ol prapa man blong mi oli jenisim glori* blong mi wetem samting we i nating nomo.+
12 Heven, i gud yu lukluk samting ya mo yu sapraes from,Mo yu fraet nogud, yu stap seksek from,’ hemia nao tok blong Jehova,
13 ‘From we ol man blong mi oli mekem tu nogud samting:Oli lego mi finis, we mi mi stamba blong wota blong laef,+Nao oli go digim ol prapa hol* blong wota blong olgeta,Hemia ol hol blong wota we oli brok finis, oli no save holem wota.’
14 ‘Isrel i no wan man blong wok, mo i no wan slef we i bon long famle ya, ?i tru??Taswe from wanem ol man oli kam tekemaot hem?
15 Ol yang laeon* oli stap singaot bigwan i go long hem,+Oli leftemap voes blong olgeta.
Oli mekem ples blong hem i kam olsem wan ples we man i fraet long hem.
Faea i bonem taon blong hem finis, mekem se i no moa gat man i stap long hem.
16 Ol man Nof*+ mo Tafanes+ oli stap kakae top blong hed blong yu.
17 Yu nomo yu karem trabol ya i kam long yuFrom we yu stap lego Jehova God blong yu+Long taem ya we hem i stap lidim yu long rod.
18 ?Nao from wanem yu wantem rod we i go long Ijip+Blong yu dring ol wota blong Siho?*?From wanem yu wantem rod we i go long Asiria+Blong yu dring ol wota blong Reva?*
19 Ol rabis fasin blong yu oli sud tijim yu,Mo fasin blong yu blong no holemstrong i sud stretem yu.
Yu mas save mo luksave se i nogud we i nogud mo i rabis olgeta+Blong lego Jehova God blong yu.
Yu yu no soemaot nating se yu fraet* long mi.’+ Hemia nao tok blong Hae Masta Jehova komanda blong ol ami.
20 ‘From we longtaem finis, mi mi smasem yok blong yu+Mo mi pulumaot ol jen long yu.
Be yu talem se: “Mi mi no wantem wok,”From we antap long evri hil mo aninit long olgeta tri we oli gru gud+Yu stap ledaon we han mo leg blong yu i open i stap, yu stap mekem prostitut.+
21 Taem mi planem yu, yu yu olsem wan beswan rop blong grep we i red,+ olgeta sid blong hem oli klin gud,?Taswe, olsem wanem yu jenis, yu kam nogud olsem ol sut blong rop blong grep blong narafala kantri, long fored blong mi?’+
22 ‘Nating se yu mas yusum soda* blong was mo yu yusum plante lae,*Be long lukluk blong mi, mak blong ol rong blong yu i stap yet.’+ Hemia nao tok blong Hae Masta Jehova.
23 ?Olsem wanem yu save talem se: ‘Mi mi no mekem mi mi doti,Mi no bin folem ol Bal’?Yu traem luk rod blong yu long vali.
Yu traem tingbaot samting we yu bin mekem.
Yu yu olsem wan yang woman kamel we i save spid,I stap ron i go kam long ol rod blong hem, i no save se bambae hem i go wea,
24 Olsem wan wael dongki we i save gud draeples,I stap smelem win from i wantem mekem seks.*Taem hem i wantem tumas man dongki, ?hu i save stopem hem?Ol man dongki bambae oli no nid blong westem paoa blong olgeta blong stap lukaotem hem.
Long stret taem blong hem,* bambae oli faenem hem.
25 Yu mas lukaot se yu no wokbaot drae legMo yu mas lukaot, blong trot blong yu i no tosta.
Be yu talem se: ‘!A, westem taem nomo!+!No! Mi mi lavem ol strenja tumas,*+Mo bambae mi folem olgeta.’+
26 Olsem we wan stilman i sem tumas taem oli faenemaot hem,Long sem fasin, olgeta long haos blong Isrel, ol man oli bin mekem olgeta oli sem,Olgeta, ol king blong olgeta mo ol prins blong olgeta,Ol pris blong olgeta mo ol profet blong olgeta.+
27 Oli talem long wan tri se: ‘Yu yu papa blong mi,’+Mo oli talem long wan ston se: ‘Yu yu bonem mi.’Be oli tanem baksaed blong olgeta i kam long mi, be i no fes blong olgeta.+
Mo taem oli stap long trabol, bambae oli talem se:‘!Yu stanap, yu sevem mifala!’+
28 ?Nao wehem ol god ya blong yu we yu nomo yu wokem?+Sipos oli save sevem yu taem yu stap long trabol, i gud oli stanap,From we ol god blong yu, naoia oli plante olsem ol taon blong yu, Juda.+
29 Jehova i talem se: ‘?From wanem yu gohed blong tok agensem mi??From wanem yufala evriwan i stap rebel agensem mi?’+
30 Mi mi wipim ol pikinini blong yu, be blong nating nomo.+
Oli no save akseptem samting we mi mekem blong stretem olgeta,+Naef blong faet blong yu nomo, i kilim ol profet blong yu,+Olsem wan grup blong laeon we oli stap lukaot kakae blong olgeta.
31 O jeneresen, i gud yu wan yu tingbaot ol tok blong Jehova.
?I gat wan taem we mi mi kam olsem wan draeples long Isrel,No mi kam olsem wan ples we i tudak, i rabis olgeta??From wanem ol man blong mi oli se: ‘Mifala i fri blong go olbaot,Bambae mifala i no moa kam long yu’?+
32 ?Wan gel we i no save man yet, i save fogetem ol flas jen blong hem??Wan woman we i rere blong mared, i save fogetem ol flas strap blong fasem raon long hem?*Be plante dei finis nao, ol prapa man blong mi oli fogetem mi.+
33 !O woman, yu yu waes gud blong pulum man blong i lavem yu!Yu yu trenem yu wan long ol rod blong mekem ol rabis fasin.+
34 Ol sket blong yu tu, i gat ol mak blong blad blong ol puaman* we oli no mekem wan rong,+Nating se mi mi no luk olgeta oli brekin long wan haos,Be mak blong blad blong olgeta i stap olbaot long ol sket blong yu.+
35 Be yu talem se: ‘Mi mi no gat fol.
Mi sua se kros blong hem i no moa save kasem mi.’Naoia bambae mi mekem jajmen agensem yuFrom we yu talem se: ‘Mi mi no mekem sin.’
36 ?From wanem yu no tinghevi nating long fasin blong yu we yu stap jamjam olbaot?Bambae yu sem tu from Ijip,+Stret olsem we bifo yu sem from Asiria.+
37 Mo from sem risen ya, bambae yu goaot we han blong yu i stap antap long hed blong yu,+From we Jehova i lego finis olgeta we yu stap putum tingting blong yu long olgeta,Bambae oli no mekem yu yu win.”
Ol futnot
^ NT: “lav we yu soem.”
^ NT: “ol aelan blong.”
^ NT: “oli katem ol hol,” maet long ston.
^ NT: “ol man laeon we oli yang mo oli gat plante hea long nek blong olgeta.”
^ NT: “Memfis.”
^ Hemia wan branj blong Nael Reva.
^ Hemia Yufretes Reva.
^ NT: “tinghevi.”
^ NT: “kemikol ya alkali.”
^ NT: “sop.”
^ NT: “from we sol blong hem i wantem tumas.”
^ PT: “stret manis blong hem.”
^ NT: “ol god blong narafala kantri.”
^ NT: “fogetem ol strap blong mared blong hem?”
^ NT: “ol sol.”
