Jeremaea 5:1-31
5 Yufala i go olbaot long ol rod blong Jerusalem.
Yufala i luklukraon mo yufala i makem gud.
Yufala i lukluk olbaot long ol pablik ples blong hem,Blong luk sipos yufala i save faenem wan man we i traehad blong mekem se i gat jastis,+Wan man we i stap traehad blong holemstrong,Mo bambae mi fogivim hem.
2 Nating sipos oli talem se: “!Long nem blong Jehova we i laef i stap!”Be bambae oli mekem strong tok yet long nem blong wan samting we i no tru.+
3 O Jehova, ae blong yu i stap lukluk blong faenem ol man we oli holemstrong long yu.+
Yu yu wipim olgeta, be samting ya i no gat paoa nating long olgeta.*Yu flatemgud olgeta, be oli no akseptem samting we yu mekem blong stretem olgeta.+
Oli mekem fes blong olgeta i strong bitim ston,+Mo oli no wantem tanemraon.+
4 Be mi talem long mi wan se: “Mi sua se hemia olgeta we oli no gat nem.
Oli mekem samting we i krangke, from we oli no save ol rod blong Jehova,Hemia ol loa blong God blong olgeta.
5 Bambae mi go luk ol haeman mo mi toktok long olgeta,From i sua se olgeta oli save gud ol rod blong Jehova finis,Hemia ol loa blong God blong olgeta.+
Be olgeta evriwan oli brebrekem yok ya finisMo oli teremaot finis ol samting we i stap holemtaet.”*
6 Hemia nao from wanem wan laeon long bus i stap atakem olgeta,Wan wulf long draeples i gohed blong spolem olgeta,Mo wan leped i ledaon i stap long ol taon blong olgeta, i wekap nomo i stap.
Evri man we i stap goaot long ol taon ya, ol animol ya oli stap terterem olgeta long ol smosmol pis.
Hemia from we ol sin blong olgeta i plante,Mo ol samting we oli mekem we oli no holemstrong, i plante we i plante.+
7 ?Olsem wanem mi save fogivim yu from samting ya?Ol boe blong yu oli lego mi finis,Mo oli talem nem blong wan samting we i no God, blong mekem promes blong olgeta i strong.+
Mi givim evri samting we oli nidim,Be oli gohed blong mekem adaltri,Mo oli hip i go finis long haos blong wan prostitut.
8 Oli olsem ol hos we oli wantem tumas blong mekem seks,Oli stap singaot i go long waef blong narafala man, olsem man hos i mekem long woman hos.+
9 Jehova i talem se: “?I stret we mi faenemaot poen long olgeta from ol samting ya??Mi* gat raet blong givimbak long wan nesen olsem?”+
10 “I gud yufala i go agensem ol plantesen blong grep blong hem mo yufala i spolem gud,Be yufala i no mas spolem evriwan.+
Yufala i tekemaot ol niufala sut blong hem,From we olgeta oli no blong Jehova.
11 From we olgeta long haos blong Isrel mo olgeta long haos blong JudaOli lego mi we oli lego mi olgeta,” hemia nao tok blong Jehova.+
12 “Oli tanem baksaed long Jehova finis, mo oli stap talem se:‘Bambae hem i no mekem wan samting.*+
Bambae i no gat wan bigfala trabol i kasem yumi,Bambae yumi no luk naef blong faet mo yumi no save sot long kakae.’+
13 Ol profet oli fulap nomo long win,Be tok ya* i no stap long olgeta.
!I gud samting ya i hapen long olgeta!”
14 Taswe hemia samting we Jehova, God ya we i komanda blong ol ami i talem, i se:“From we ol man ya oli stap tok olsem,Naoia bambae mi mekem se tok blong mi long maot blong yu i olsem faea,+Mo ol man ya oli wud,Mo faea ya bambae i bonem olgeta.”+
15 “Yufala long haos blong Isrel, naoia bambae mi tekem wan nesen we i stap longwe, i kam long yufala,”+ hemia nao tok blong Jehova.
“Hem i wan nesen we i stanap strong longtaem finis i kam.
Hem i wan nesen we i stap bifo finis i kam,Wan nesen we yufala i no save lanwis blong hem,Mo yufala i no kasemsave toktok blong hem.+
16 Basket blong ara blong olgeta i olsem gref we i open bigwan.
Olgeta evriwan oli ol strong man blong faet.
17 Bambae oli flatem ol kakae long garen blong yufala mo ol bred blong yufala.+
Bambae oli kilim ol boe blong yufala mo ol gel blong yufala.
Bambae oli kilim ol sipsip blong yufala mo ol buluk blong yufala.
Bambae oli spolem ol rop blong grep blong yufala mo ol figtri blong yufala.
Mo ol bigfala taon blong yufala we yufala i trastem from ol stonwol oli raonem, bambae oli distroem olgeta long naef blong faet.”
18 “Be long ol dei ya tu, bambae mi no flatemgud yufala.” Hemia nao tok blong Jehova.+
19 “Mo taem oli askem se: ‘?From wanem Jehova God blong yumi i mekem ol samting ya long yumi?’ Yu mas ansa long olgeta se: ‘Olsem we yufala i lego mi nao yufala i wok blong wan god blong narafala kantri long ples blong yufala, long sem fasin, bambae yufala i wok blong ol man blong narafala kantri, long wan graon we i no blong yufala.’”+
20 Yu mas talemaot samting ya, long olgeta long haos blong Jekob,Mo yu go talemaot samting ya long Juda se:
21 “Yufala ya we i krangke mo yufala i no gat hed,* yufala i harem tok ya:+Oli gat ae be oli no save lukluk.+
Oli gat sora be oli no save harem samting.+
22 Jehova i talem se: ‘?Yufala i no fraet long mi??From wanem yufala i no seksek long fes blong mi?Mi nao mi putum sanbij olsem mak we solwota i kam finis long hem,Hem i wan rul we i stap olwe, hem i no save go ova long mak ya.
Nating se ol wef blong hem oli raf olsem wanem, be oli no save brekem mak ya,Nating se oli mekem bigfala noes, be bambae oli no save go bitim mak ya.+
23 Be ol man ya, hat blong olgeta i strong mo i stap pulum olgeta blong rebel,Oli lego stret rod mo oli go folem prapa rod blong olgeta.+
24 Mo long hat blong olgeta, oli no talem se:“I gud yumi fraet* long Jehova God blong yumi,Hem nao i stap givim ren long stret taem blong hem,I stap mekem ren long taem we ol lif oli stap folfoldaon, mo ren long taem we ol samting oli gru,Hem nao i meksua se ol wik blong havest oli kamtru long stret taem blong hem.”+
25 Ol rong blong yufala nomo i blokem ol samting ya blong oli no kamtru.
Ol sin blong yufala nomo oli mekem se yufala i no kasem ol samting we i gud.+
26 From we i gat ol man nogud long medel blong ol man blong mi.
Oli gohed blong lukluk, olsem man blong kasem pijin i haed i stap, i stap wajem trap blong hem.
Oli putum rere wan trap blong kilim eni samting i ded.
Be trap blong olgeta i stap kasem ol man nomo.
27 Haos blong olgeta i fulap long ol samting blong trikim man,+Olsem wan bokis we i fulap long ol pijin.
Taswe oli gat bigfala paoa mo oli rij.
28 Naoia oli fatfat gud mo oli smut gud,Rabis fasin i fulap gud long olgeta gogo i kafkafsaed.
Oli no wantem stretem bisnes blong ol pikinini we oli no gat papa,+Blong oli save kasem ol gudfala samting.
Mo oli no letem ol puaman oli kasem jastis.’”+
29 Jehova i talem se: “?I stret we mi faenemaot poen long olgeta from ol samting ya??Mi* gat raet blong givimbak long wan nesen olsem?
30 Wan samting we i nogud we i nogud i hapen long kantri ya mo i mekem man i fraet tumas:
31 Ol profet oli stap talem ol giaman profet tok,+Mo ol pris oli yusum paoa blong olgeta blong bos long ol man.
Mo ol prapa man blong mi, oli laekem tumas fasin ya.+
?Be bambae yufala i mekem wanem taem en i kam?”
Ol futnot
^ PT: “be oli no kam slak.”
^ PT: “ol rop blong hem.”
^ NT: “Sol blong mi i.”
^ MNT: “Hem i no stap.”
^ Hemia tok blong God.
^ PT: “we yufala i no gat hat.”
^ NT: “tinghevi.”
^ NT: “Sol blong mi i.”
