Job 6:1-30
6 Biaen Job i ansa i se:
2 “!I gud sipos man i skelem olgeta harem nogud blong mi,+Mo i putum long ol skel wetem ol trabol blong mi!
3 From naoia hem i hevi moa i winim ol sanbij long solwota,
Hemia nao from wanem ol tok blong mi i olbaot nomo.*+
4 From ol ara blong God Ya We i Gat Olgeta Paoa, oli sperem mi,Mo spirit blong mi i stap dring ol posen blong olgeta.+Ol samting blong fraet we oli kamaot long God, oli laenap agensem mi.
5 ?Yu ting se wael dongki+ bambae i krae bigwan sipos i gat gras blong i kakae??No yu ting se wan bul bambae i singaot bigwan sipos i gat gras blong i kakae?
6 ?Kakae we i no gat tes, man i save kakae we i no putum sol long hem??No i gat tes long wota blong plant ya malo?
7 Mi mi* no wantem tajem ol samting olsem.
Oli olsem posen long kakae blong mi.
8 !Mi wantem tumas blong kasem samting we mi askemMo blong God i givim samting we mi wantem tumas!
9 !Mo blong God i glad nomo blong spolem mi,Mo blong i pusum han blong hem i kam mo i kilim mi mi ded!+
10 From samting ya tu i save mekem mi mi harem gud,Mo nating se mi harem nogud oltaem, be bambae mi jamjam from mi glad,From mi mi no bin sakemaot ol tok blong God Ya We i Tabu.+
11 ?Mi mi gat paoa yet blong mi gohed blong stap wet?+
?Mo sipos mi gohed blong laef, bambae mi kasem wanem long en?
12 ?Yufala i ting se mi strong olsem ston?
?No yufala i ting se oli wokem bodi blong mi long kopa?
13 ?I gat rod blong mi save givhan long mi wanTaem oli tekemaot finis olgeta samting blong sapotem mi?
14 Man we i no soemaot lav long ol man raonabaot long hem,+Bambae i tanem baksaed long fasin blong fraet* long God Ya We i Gat Olgeta Paoa.+
15 Ol brata blong mi nomo oli stap trikim mi+ olsem krik long koltaem,Olsem wota long ol krik long koltaem, we i kam drae.
16 Aes i mekem olgeta oli kam tudak,Mo sno we i stap melt i haed insaed long olgeta.
17 Be long stret taem, i no gat wota long olgeta mo oli finis.Mo taem ples i hot, oli kam drae.
18 Man i jenisim rod blong olgeta,Oli ron i go long draeples mo oli lus.
19 Ol man Tema wetem ol animol blong olgeta+ oli stap lukaotem olgeta,Ol man Seba we oli stap wokbaot i go long ol defren ples,+ oli stap wet long olgeta.
20 Oli sem from oli trastem wan samting we i no tru.Oli kam long ples ya, be oli harem nogud nomo.
21 From we long mi, yufala i olsem ol krik ya.+Yufala i luk nogud samting we trabol ya i mekem long mi, nao yufala i fraet.+
22 ?Mi mi bin talem se: ‘Yufala i givim wan samting long mi,’
No mi askem blong yufala i givim wan sas samting blong yufala long mi olsem presen?
23 ?Mi bin askem yufala blong tekemaot mi long han blong wan enemi??No blong sevem* mi long olgeta we oli stap mekem i strong long mi?
24 Yufala i tijim mi, mo bambae mi stap kwaet.+Yufala i halpem mi blong kasemsave mastik blong mi.
25 !Ol tok we i tru, oli no save mekem man i harem nogud!+
?Be ol strong tok blong yufala blong stretem mi, oli givhan olsem wanem?+
26 ?Yufala i mekem plan blong stretem ol tok blong mi,Ol toktok blong man we i harem nogud tumas,+ we win i stap blu long olgeta i go?
27 !Yufala i save sakem ol spesel ston tu from ol pikinini we oli no gat papa mo mama!+!Mo yufala i stap salem ol fren blong yufala!*+
28 Taswe naoia yufala i tanemraon, yufala i luk mi,From mi mi no save giaman long fes blong yufala.
29 Plis, traem lukluk gud bakegen—yufala i no mas jajem mi rong—Yes, traem lukluk gud bakegen, from we stret fasin blong mi i sem mak yet.
30 ?Tang blong mi, i stap talem ol tok we i no stret?
?Yufala i ting se maot blong mi, i no harem save se wan samting i rong?
Ol futnot
^ NT: “mi toktok hariap; toktok krangke.”
^ NT: “Sol blong mi i.”
^ NT: “tinghevi.”
^ PT: “pemaot.”
^ NT: “Yufala i givim ol fren blong yufala i go blong yufala i kasem wan narafala samting.”
