?Wanem tingting blong yu?

• Yes

• No

• Maet

Samting we Baebol i talem

‘Mi save we yu [God], yu stap givhan long ol puaman long ol trabol blong olgeta, mo yu stap mekem i stret long olgeta.’ (Ol Sam 140:12) Kingdom blong God bambae i mekem se i gat stret fasin long wol.

Narafala samting we yumi lanem long Baebol

• God i stap luk ol rabis fasin blong wol, mo bambae hem i mas stretem.—Prija 5:8.

• Stret fasin blong God bambae i mekem se i gat pis mo ol man oli sef.—Aesea 32:16-18.

Sam man oli bilif se God i blesem, o i mekem we trabol i kasem wan grup blong ol man, be sam narafala oli bilif se God i mekem i sem mak nomo long olgeta man. ?Wanem tingting blong yu?

Samting we Baebol i talem

“God i stap mekem i sem mak nomo long olgeta man. Sipos wan man i fraet gud long God mo i mekem samting we i stret, God i glad long hem nating se hem i blong defren neson.” (Ol Wok 10:34, 35) Long lukluk blong God, evri man oli sem mak nomo.

Narafala samting we yumi lanem long Baebol

• Baebol i gat wan “gud nius” blong ‘olgeta laen, olgeta lanwis, mo olgeta grup blong man.’—Revelesen 14:6.