Tede fasin blong gat respek i stap lus. Taswe ol man oli sapraes taem wan man i soemaot respek long ol narafala.

Plante man oli no moa respektem papa mo mama blong olgeta, ol olfala, ol polis, bos blong olgeta, tija blong olgeta, mo ol narafala. Mo tu, long sosol media ol man oli stap tok nogud long ol narafala. Magasin ya Harvard Business Review i tokbaot se fasin ya blong no respektem ol narafala, i stap “kam antap bigwan.” Magasin ya i talem tu se “long ol yia we i jes pas, plante moa man oli stap ripotem” se ol narafala oli no respektem olgeta.