?From Wanem Ol Man Oli No Moa Gat Respek Long Olgeta Wan?
I IMPOTEN BLONG GAT RESPEK LONG YU WAN
Ol man we oli gat respek long olgeta wan, oli no letem tingting blong olgeta i foldaon taem oli fesem wan hadtaem. Taswe oli no kwik blong givap.
-
Ol man blong mekem risej oli faenemaot se ol man we oli no gat respek long olgeta wan, plante taem oli wari bitim mak, oli kasem sik ya depresin, mo oli no stap kakae gud. Mo plante taem oli dring alkol bitim mak mo oli tekem drag.
-
Ol man we oli gat respek long olgeta wan oli no stap komperem olgeta wetem ol narafala, taswe oli save fren gud wetem ol man. Be ol man we oli ting nating long olgeta wan, plante taem oli gat nogud tingting tu long ol narafala, taswe oli no joen gud wetem olgeta.
-
Ol man we oli gat respek long olgeta wan, oli gat gudfala tingting mo oli gohed blong wok had, nating se oli fesem wan hadtaem. Be ol man we oli ting nating long olgeta wan, oli luk ol smol mastik we oli mekem olsem wan bigfala samting, nao i isi nomo blong oli givap.
SAMTING WE YU SAVE MEKEM
Jusum ol gudfala fren. Joen wetem ol man we oli respektem narafala, oli kea long yu, mo oli leftemap tingting blong yu.
Halpem ol narafala. Bambae yu kasem bigfala glad taem yu kaen mo yu rere blong givhan long ol narafala, nating sipos ol man oli no luksave ol gudfala wok we yu mekem, o oli no naf blong givimbak gudfala fasin ya we yu bin mekem.
Tijim pikinini blong i gat respek long hem wan. Taem pikinini i fesem wan problem, fastaem i gud yu letem hem wan i stretem problem ya bifo we yu givhan long hem. Hemia bambae i tijim pikinini blong winim ol problem mo no givap. Nao taem hem i stap gruap mo i kam bigman, bambae hem i gat respek long hem wan.
SAMTING WE MIFALA I STAP MEKEM
Ol miting mo Baebol kos blong mifala ol Witnes blong Jehova, i stap halpem ol man blong gat wan gudfala laef mo gat respek long olgeta wan.
OL MITING BLONG MIFALA
Long ol miting blong mifala, mifala i lesin long ol naesfala tok we oli stanap long Baebol. Plante long ol tok ya oli eksplenem ol rod we man i save folem blong gat respek long hem wan. Ol miting ya oli fri nomo mo eni man i welkam blong kam. Long ol miting ya bambae yu lanem . . .
-
se God i tinghae long yu
-
olsem wanem blong glad long laef
-
olsem wanem blong fren gud wetem ol narafala
Mo tu, bambae yu faenem ol trufala fren we oli soemaot se ‘oli stap tingbaot evriwan.’—1 Korin 12:25, 26.
Blong save moa, go long jw.org mo lukaotem sot video ya ?Wanem i Stap Hapen Insaed Long Haos Kingdom?
BAEBOL KOS BLONG MIFALA
Mifala i stap mekem ol fri Baebol stadi wetem ol man long buk ya !Enjoem Laef Olwe! Long buk ya i gat ol vas blong Baebol, ol toktok blong eksplenem ol vas, ol kwestin we i mekem man i tingting, ol video we i tajem hat blong man, mo ol naesfala pija. Baebol kos ya i givhan long ol man blong oli gat respek long olgeta wan mo gat wan gudfala laef.
Blong luk olsem wanem Baebol kos ya i save givhan long yu, go long jw.org mo lukaotem sot video ya ?From Wanem i Gud Blong Stadi Baebol?
Maet Yu Laekem Hemia Tu
WEKAP!
?Olsem Wanem Blong Soemaot Respek?
Respek insaed long mared i no wan fasin we yu soemaot wanwan taem nomo; yu mas soemaot oltaem. ?Olsem wanem yu save respektem long hasban no waef blong yu?
ANSA WE BAEBOL I GIVIM
?Baebol i Talem Wanem Long Saed Blong Lavem Yu Wan?
Jisas i talem se: “Yu mas lavem ol man raonabaot long yu olsem we yu stap mekem long yu wan.” ?Hem i minim wanem?
MIFALA
Askem Wan i Visitim Yu
Tokbaot wan kwestin long Baebol, o lanem moa long saed blong ol Witnes blong Jehova.
MIFALA
Go Long Wan Miting
Save moa long saed blong ol miting blong mifala. Faenem wan Haos Kingdom blong ol Witnes blong Jehova we i klosap long yu.
