Igiemwi ni rre Baibol ni gha sẹtin ru iyobọ nuẹn:

• Psm 78:​40, 41; 106:​36-46​—Agharhemiẹn wẹẹ, ẹghẹ hia ẹre Ivbi Izrẹl ya gha ru emwi nọ da e Jehova, e Jehova na vbe gha yabọ iran

• Luk 15:​11-32​—Jesu keghi zẹ erre ọghe erha ọmọ ọkpa nọ tohan ovbi ẹre nọ te zẹ owẹ ihan, nọ ghi do ro iro fi uyinmwẹ werriẹ; te Jesu zẹ erre na, nọ ya gi emwa rẹn wẹẹ, e Jehova keghi mwẹ ekhọe ayabọ

Igiemwi ni rre Baibol ni gha sẹtin ru iyobọ nuẹn:

• Hib 9:​22-28​—Ukọ e Pọl gi ima rẹn wẹẹ, esagiẹn ne Kristi da kua, ẹre ọ zẹe ne Osanobua na ya orukhọ ọghe ima bọ ima

• Arhie 7:​9, 10, 14, 15​—Vbe umian ne ukọ e Jọn miẹn, ọ keghi bẹghe “oghẹn ne gbii” ne Osanobua ka ba emwa ni mudia ẹse, rhunmwuda esagiẹn ne Kristi da kua

Igiemwi ni rre Baibol ni gha sẹtin ru iyobọ nuẹn:

• Job 42:​7-10​—A te miẹn wẹẹ, e Jehova werriegbe ya egberranmwẹ kevbe ẹfe we Job, ọ na we nọ ka na erhunmwu ne ọsiọre eha ni ghaa kpamisikan ku ọre

• Mat 18:​21-35​—Jesu keghi zẹ erre ọkpa nọ ya ima rẹn wẹẹ, deghẹ ima hoo ne Jehova yabọ ima, te ima gha vbe yabọ emwa ọvbehe

Igiemwi ni rre Baibol ni gha sẹtin ru iyobọ nuẹn:

• Psm 32:​1-5; 51:​1, 2, 16, 17​—Rhunmwuda orukhọ nọ wegbe ne Ọba e Devid ru, te iro te gbe ẹre rua, ọ na ghi ya ekhọe hia ro iro fi uyinmwẹ werriẹ

• Jems 5:​14-16​—E Jems keghi gi ima rẹn wẹẹ, ma gha ru orukhọ nọ wegbe, ọ khẹke ne ima ya gu ediọn guan

Igiemwi ni rre Baibol ni gha sẹtin ru iyobọ nuẹn:

• 1 Ọba 21:​27-29; 2 Krọ 18:​18-22, 33, 34; 19:​1, 2​—E Jehova ghi bu ohiẹn gbe Ọba Ehab nẹ, ọ keghi mu egbe rriotọ, rhunmwuda ọni, e Jehova keghi tohan rẹn; sokpan, vbe Jehova ghi bẹghe ẹre wẹẹ, ọ ma ya ekhọe hia fi werriẹ, ọ keghi kae ye ọmwa dan, rhunmwuda ọni, ọ keghi bu ohiẹn uwu gbe ẹre

• 2 Krọ 33:​1-16​—Agharhemiẹn wẹẹ, ọmwa nọ mwẹ ekhọe atosi ẹre Ọba e Manasẹ ghaa khin, e Jehova keghi yabọe vbe ọ ro iro fi uyinmwẹ werriẹ. E Manasẹ keghi wabọ igẹbọ rua vbe otọ e Juda, nọ ya rhie ẹre ma wẹẹ, irẹn gele fi werriẹ nẹ, ọ na vbe ru iyobọ ne emwa, ne iran ya gha ga e Jehova

Igiemwi nọ rre Baibol nọ gha sẹtin ru iyobọ nuẹn:

• 2 Sam 12:13; 24:1; 1 Ọba 9:​4, 5​—Agharhemiẹn wẹẹ, e Devid ru orukhọ ni wegbe nibun, e Jehova keghi yabọe, ọ na vbe kae ye ọmwa nọ mudia ẹse, rhunmwuda nọ na ro iro fi uyinmwẹ werriẹ

 Igiemwi ni rre Baibol ni gha sẹtin ru iyobọ nuẹn:

• Mat 26:​36, 40, 41​—Vbe ẹghẹ ne Jesu ya kakabọ gha gualọ iyobọ ọghe erhuanegbe ẹre, iran kegha vbiẹ; ọrheyerriọ, Jesu keghi kha wẹẹ, irẹn rẹnrẹn wẹẹ, ẹ i re ẹmwẹ iran

• Mat 26:​69-75; Luk 24:​33, 34; Iwinna 2:​37-41​—Agharhemiẹn wẹẹ, ukọ e Pita siẹn e Jesu igba eha, Jesu na ye yabọe, rhunmwuda nọ na fi werriẹ; Jesu keghi rhiegbe ma rẹn vbe ọ ghi rhiọ kpaegbe nẹ, ọ na vbe mu iwinna ne kpataki nẹẹn vbe uwu iko

Igiemwi ni rre Baibol ni gha sẹtin ru iyobọ nuẹn:

• Mat 23:​29-33​—Jesu keghi tama avbe skraib kevbe avbe Farisi wẹẹ, ibuohiẹn ọghe Gẹhẹna ra ọfuan ọghe etẹbitẹ ẹre ọ khẹ iran

• Jọn 17:12; Mak 14:21​—Jesu keghi tie Judas ne ọyọmwadẹ “ovbi ọfuan,” ọ na vbe kha wẹẹ, ọ gha te wa maan sẹ, akpawẹ a ma zẹdẹ biẹ ọre