1. Bùʼ miag ndôde mve tù,

Ntôg ba nkônga nèn mve tù.

Oaʼ yen kônga Yaweh Nsi

Zʼa nèn tù sènni là.

Ngôngô fe ngùanesà,

Njoñ dùʼ fa ntùm njù sagkuà,

Nke ntsiañ njoñ benntùn fa bo

“Seʼ ngamde Yaweh Nsi.”

Tshù ngelañ yà te nsi

Metsil i tshwèt mbwe ntshaʼ ntshaʼ ndonni.

Be tshwèt njen mbotni Nsi,

Num mat bag bin tshwèt nkuʼ mbèn nke nsin.

Ntshuʼ ntshuʼ tshwèt ngebte Nsi

Mbèn ndoʼ bag njam ze netô.

Ntù ntshùʼ, bo leʼde Nsi

Nkaʼ yi neghù ze nekô.

 2. Yen ntshùʼ Yésu fà li:

Soñ Ntshob Nsi ntùm njù sagkuà.

Mbwô nkùn mfà num ze Nufen

Tshwèt nkwag njù ke yaʼ mèn.

Kristô toʼ ze netô,

Njoñ ben fa bélʼé mebwô.

Manze, ba fà wut nsi

tshwèt njen ntshùade num Ntshob Nsi.

A tshwèt mfà tsiañde ntù,

Neyen njoñ bwoñ njùmbwe nke nèn tù.

Njoñ ben fa tshwèt ndoʼ bag,

Neywimde mba we lo nejuʼ ntag.

Bag bin bùʼ nze tù fa,

Ntsiañ njù sagkuà, ntsiañ ke miʼ

Koʼ num kônga Yaweh Nsi,

Seʼ ntswe matmat nzenni.