BAG I 18

Be kuʼni nelèn Benkristô tse nenùn à ndùke?

Ntshuʼ ntshuʼ benntùn num ntshob mbe bo bʼa benkristô. Ndaʼndù bo keʼ ghù ntswide ntshùʼ ke bèn ne ngù kuzin ntshùʼ. Ndùlà be kuʼni nelèn kuaʼ benkristô tse nenùn à ndùke?

1. Nebe mènkristô nke mbagdʼà mbe ke?

Benkristô bʼa ghaziʼde nu, ke ghabét Yésu Kristô lo. (Siañ Mfaʼ Ghantum 11:26.) Bo nke ndaʼdʼà ndùke mbe bo bʼa ghaziʼde nu Yésu à? Yésu naʼ tshob mbe: “A be ze bin ghô num ntshob màm nà, mba bin bʼa kuaʼ tshàm ghaziʼde nu.” (Yohané 8:31) Yenni nke mbagdʼà mbe benkristô tse nenùn ghù neze ntswide Yésu. Ndañndañ mba ntswide Yésu naʼ nke njéʼdʼà num Ñwani Nsi là, ntswide benkristô tse nenùn ghù neyéʼdʼà num Ñwaʼni Nsi.—Siañ Lukas 24:27.

2. Benkristô tse nenùn nke ndaʼde nkôni à ndùke?

Yésu naʼ tshob ghaziʼde nu i mbe: “Bin ke nkôni bin bin, mba me be nkô zin nà.” (Yohané 15:12) Yésu naʼ laʼdʼà ndùke mbe a kô ghaziʼde nu i à? A naʼ tôg ngelañ boa bo, nso kù num bo, mbèn njwimde yube. A fà mba yôg se num tu bo. (1 Yohané 3:16) Be ndañndañ, benkristô tse nenùn keʼ be tshob à ndaʼ bo ntshu mbe bo ghù nkôni netèt bo. Bo num ndaʼde yen nkôni là mba ntùm mfaʼ mube.

3. Benkristô tse nenùn nke mfaʼ à zit faʼ à?

Yésu fà faʼ ghaziʼde nu i. A “tum yub ndù bo nèn [nsoñ] Nufen Nsi.” (Lukas 9:2) Benkristô ngelañ mbwe naʼ ke nke nsoñ nkùn mebwô à ndaʼ ntùm tshob ndà ghamde, là, mba tèt yàme, mba nzendà nzendà. (Siañ Mfaʼ Ghantum 5:42; 17:17.) Be ndañndañ sènni, benkristô tse nenùn num nsoñ nkùn mebwô njoñ dùʼ fa bo tèt benntùn bwe là. Nkôni bo ghù mfà num benntùn nà num ntènde yub neloʼ yub ngelañ mba yub neta num nesoñ nkùn mebwô fide bo nywinde a be ntùm Ñwaʼni Nsi là yi.—Marko 12:31.

TSWEʼ NTUN MI

Yen bade a be netèt benkristô tse nenùn bo tsemoʼ benntùn bo ke tshwèt mbét Yésu, ke bèn ne nze ntshùʼ tse là.

4. Bo num ndiag nenùn a be ntùm Ñwaʼni Nsi là

Benkristô mbwe ngelañ naʼ nke nkuʼni Ñwaʼni Nsi

A ke tse njoñ benntùn fa bo be ntshob mbe bo bʼa benkristô là bèn nke nkuʼni nenùn a be ntùm Ñwani Nsi là. Lôde LAʼDE NETSHAÑ, mbèn mbùnde yen bètte li.

LAʼDE NETSHAÑ: Comment la chrétienté a-t-elle été corrompue? (5:11)

Ke ze ba tshôssi bo be ntshob mbe bo bʼa benkristô là ghù num netshètte benntùn nelèn ba ntswide Yésu à?

Yésu naʼ nke ntswide nenùn a be ntùm Ntshob Nsi là. Siañ Yohané 18:37, mbèn mbùnde yen bètte li:

Mba Yésu tshob là, bo kuʼni nelèn benkristô bo be “njam nenùn nà” à ndùke?

5. Bo num nsoñ nenùn a be ntùm Ñwaʼni Nsi là

Benkristô mbwe ngelañ naʼ nke nsoñ nkùn mebwô tsemoʼo

Yésu naʼ be nèn mve kamànyam, mfà taʼ faʼ ghaziʼde nu i zʼa tshwèt nèn mbwe tà nkum sènni là. Siañ Matio 28:19, 20 bo Mfaʼ Ghantum 1:8, mbèn mbùnde yen bètte li:

A naʼ be ndù boaʼ soñ nkùn mebwô tà nèn nkum à yà?

6. Bo num njab tshu bo num ntswide là ntùm mfaʼ

Yen ju zʼa ghù Tom bam mbe a fon nenùn nà. Lôde LAʼDE NETSHAÑ, mbèn mbùnde tshen mbètte li.

LAʼDE NETSHAÑ: Jʼai rejeté la religion (5:20)

Ntùm laʼde netshañ, ke zʼa tènde Tom nefañ tshôssi à?
Ke zʼa ghù a bam ke magde mbe a fon kuaʼ ghaziʼde nu Yésu tse ntùn à?

Ngùninu be ntswide ntshùa ntshobe. Siañ Matio 7:21, mbèn mbùnde yen bètte li:

Num ze tu Yésu ke zʼa be ju ndùb à—netshob bo ntshu mbe bag bin ghù bamntù ké ke nelaʼde ntùm faʼ mbe bag bin ghù bamntù à?

7. Bo ghù nkôni netèt bo

Benkristô mbwe ngelañ naʼ nke ndaʼde nkôni netèt bo

Benkristô fà kuaʼ yôg sub num fèt tshob ké? Lôde LAʼDE NETSHAÑ, mbèn mbùnde tshen mbètte li.

LAʼDE NETSHAÑ: Il était prêt à donner sa vie (2:55)

Ntùm laʼde netshañ, ke zʼa naʼ ntènde Lloyd nebam nebi mba yôg se num mvèt Johansson à?
O kwade mbe a ghù kuaʼ mba taʼ mènkristô ze ntùn ké?

Siañ Yohané 13:34, 35, mbèn mbùnde tshen mbètte li:

A bètte ghaziʼde nu Yésu tse ntùn nke ndoʼ benntùn ngub ghua ke ngô ghua lo à ndùke?
Bo kuʼni neghù yennà ngelañ ntsho à ndùke?

TSEMOʼ BENNTÙN NUM NTSHOB MBE: “Benkristô ghù tshu kebwô yàme—be bo be kuaʼ ghaziʼde nu Yésu tse ntùn à ndùke?”

Bʼo loʼ à zit nka Ñwaʼni Nsi num nelaʼde mba bo kuʼni nelèn benkristô tse nenùn à?

JU NETSHÙBE

Benkristô tse nenùn num njab ntswide Ñwani Nsi ntùm faʼ. Bo num ndaʼde nkôni mbèn nkuʼni nefà mba yôg sub num tu fèt tshobe; bo num mbèn ntswide nenùn Ñwaʼni Nsi.