O kô nediag bèn nkwiʼde yu zenu num Ñwaʼni Nsi ké? O kù ntù nelèn taʼ bag Ntshob Nsi, taʼ mènntùn, taʼ dùʼ, ke taʼ ju ze bo tshob ntùm Ñwaʼni Nsi ké? O toʼ tshàm nelèn mbe be Ñwaʼni Nsi ywimdʼo num tshu tsʼa lôdʼo ké? Ndùla, o nèn feʼ ñwaʼni Ndà ntseʼde Nufen ndiage.

A ghù mbwô tshu faʼ neloʼ ndiag yi. Ñ, o keʼ ghù njoñ nkide ñwaʼni Nsi Ghakwénta Yaweh Nsi fa ntùm mu ntshobe. Ndaʼndù feʼ ñwaʼni Ndà ntseʼde Nufen ghù mbeʼ yàm ñwaʼni nswe. Be a ghù Ntshob Nsi ntùm ntode nzenze, taʼ mbwô buʼ ñwaʼni nebagde, mbèn ngù tsemoʼ ñwaʼni nediag tshu bwe. Kà bwôg nenèn bwe ngelañ ntseʼde keʼ yoñ ntoʼ là, ke ngelañ a mi lo là. A be ze loñnkùn be bwe là, mbʼo kuʼni nenèn num Watchtower Library. Yen feʼ ñwaʼni là num loñve ghù tshag ñwaʼni yàme, ngù a fiag nediag tu ntshobe, kam ntshobe, ke bag Ñwaʼni Nsi lo.

A bwô num ghañwaʼni ntseʼde yôg bo nàfaʼ. Yen feʼ ñwaʼni là, kuʼni neywimdʼo o nabte yu tu ntshobe. A ngatshagde Ntseʼde yôg bo nàfaʼ bèn nke ndôde yen feʼ ñwaʼni là. A num ndôde mbe bo yab tshu bwe mebwô, mbèn ndôde be ze njoñ ñwaʼni nswe fa be bwe là. Yi, ke mèn zʼa tshwèt ntswidʼo là, kuʼni nelaʼdʼo mba be o diag tshu bwe là. Ndaʼndù, be keʼ kuʼni neloʼ ñwaʼni num yen feʼ ñwaʼni là ntum yi ntùm Ndà ntseʼde Nufen. A keʼ bwô nebagde tshen ñwaʼni là, ke neki ju ntùm bwe lo.

Ñwaʼni Nsi tshwèt mbagde mbe “nefon zenu zʼa fe Nsi là,” bʼa “nediag i mba mèn be ndiag nkàb là.” (Tànkùt 2:1-5) Feʼ ñwaʼni Ndà ntseʼde Nufen kuʼni neywimdʼo o toʼde nediage.

• Tsit tshu faʼ neziʼde Ñwaʼni Nsi yi be kuʼni neyen ntùm feʼ ñwaʼni Ndà ntseʼde Nufen à?

• We zʼa kuʼni neywimdʼo o jù bin feʼ ñwaʼni à?