Proverbio 18:1-24
18 Ang naglain sa iyang kaugalingon maghimo sa iyang hakog nga tinguha;Isalikway* niya ang tanang praktikal nga kaalam.
2 Ang buangbuang dili gustong makasabot;Iya hinuong ipagawas kon unsay naa sa iyang kasingkasing.+
3 Inig-abot sa daotan, moabot pod ang pagtamay,Ug kon madaot ang dungog, dunay kaulawan.+
4 Ang mga pulong sa usa ka tawo samag lawom nga katubigan.+
Ang tuboran sa kaalam samag sapa nga nagaagos.
5 Dili maayo nga paboran ang daotan+O hikawag hustisya ang matarong.+
6 Ang sinultihan sa buangbuang moresultag away,+Ug tungod sa iyang baba makulatahan siya.+
7 Ang baba sa buangbuang maoy molaglag niya,+Ug ang iyang mga ngabil maoy lit-ag sa iyang kinabuhi.
8 Ang mga pulong sa tigbutangbutang samag lami nga pagkaon;*+Kini tunlon deretso sa tiyan.+
9 Ang tapolan sa iyang trabahoMaoy igsoon sa tulisan.+
10 Ang ngalan ni Jehova maoy lig-ong torre.+
Didto modagan ang matarong ug siya mapanalipdan.*+
11 Ang bahandi sa dato mao ang iyang lig-ong siyudad;Naghunahuna siya nga kini maoy paril nga manalipod niya.+
12 Ang mapahitas-ong kasingkasing moresultag pagkahagsa,+Ug ang pagkamapainubsanon moresultag himaya.+
13 Kon ang usa motubag dayon nga dili una maminaw,Kabuangan kana ug makauulaw.+
14 Ang positibong hunahuna* makatabang nga maagwanta sa tawo ang iyang sakit,+Apan kinsay makaagwanta sa kaluya sa buot?*+
15 Ang kasingkasing sa naay pagsabot mokuhag kahibalo,+Ug ang dalunggan sa maalamon mangitag kahibalo.
16 Ang regalo mag-abli sa dalan para sa naghatag niini;+Kini magpaposible nga makaduol siya sa halangdong mga tawo.
17 Ang mounag presentar sa iyang kaso morag husto,+Hangtod moabot ang pikas partido ug kuwestiyonon siya.*+
18 Ang ripa* makapahunong sa mga panaglalis+Ug makahusay* sa duha ka gamhanang tawo.
19 Mas lisod ang pagpakig-uli sa igsoon nga nasakitan kay sa pagpildi ug lig-ong siyudad,+Ug naay mga panaglalis nga morag mga trangka sa kuta.+
20 Ang ginasulti sa usa ka tawo samag pagkaon nga mobusog sa iyang tiyan;+Bation niya ang resulta sa iyang mga pulong.
21 Ang kamatayon ug kinabuhi naa sa gahom sa dila;+Kadtong ganahang mogamit sa dila mokaon sa bunga niini.+
22 Kadtong nakakitag maayong asawa nakakitag maayong butang,+Ug nakadawat siyag pag-uyon* ni Jehova.+
23 Ang pobre magpakiluoy dihang mosulti,Apan ang dato maningka dihang motubag.
24 Naay magkauban nga magdinaotay,+Apan naay higala nga mounong labaw pa sa igsoon.+
Mga Footnote
^ O “Tamayon.”
^ O “samag mga butang nga dinalo nga gitulon.”
^ Literal, “ipataas.” Nagpasabot nga dili siya maabot, luwas siya.
^ O “dugmok nga espiritu?”
^ O “kalig-on.”
^ O “usisahon siya pag-ayo.”
^ Literal, “makabulag.”
^ O “kaayo.”
