Salmo 11:1-7
Ngadto sa direktor. Salmo ni David.
11 Kang Jehova ko midangop.+
Busa nganong miingon mo kanako:
“Kalagiw ngadto sa inyong bukid samag langgam!
2 Tan-awa kon giunsa pagbawog sa mga daotan ang busogan;Ipuntirya nila ang ilang udyong,Aron panaon gikan sa kangitngit ang mga matinud-anog kasingkasing.
3 Dihang lumpagon ang mga pundasyon,*Unsay mahimo sa matarong?”
4 Si Jehova anaa sa iyang balaang templo.+
Ang trono ni Jehova atua sa kalangitan.+
Ang iyang mga mata magatan-aw, ang iyang mabinantayong* mga mata magausisa sa mga anak sa mga tawo.+
5 Ginausisa ni Jehova ang matarong ug ang daotan;+Ginadumtan niya* ang bisan kinsa nga nahigugma sa kapintasan.+
6 Paulanan niyag mga bitik* ang mga daotan;Kalayo ug asupre+ ug makapagbang hangin ang mahimong bahin sa ilang kopa.*
7 Kay si Jehova matarong;+ siya nahigugma sa matarong nga mga buhat.+
Ang mga matinud-anog kasingkasing makakita sa iyang nawong.*+
Mga Footnote
^ O “mga pundasyon sa hustisya.”
^ O “masidlakong.”
^ O “sa iyang kalag.”
^ O posible, “nagdilaab nga baga.”
^ Ang kopa sagad nagsimbolo sa kasuko o panimalos sa Diyos.
^ O “makatagamtam sa iyang pag-uyon.”
