Salmo 136:1-26
136 Magpasalamat kamo kang Jehova, kay siya maayo;+Ang iyang maunongong gugma molungtad hangtod sa hangtod.+
2 Pasalamati ang Diyos sa mga diyos,+Kay ang iyang maunongong gugma molungtad hangtod sa hangtod.
3 Pasalamati ang Ginoo sa mga ginoo,Kay ang iyang maunongong gugma molungtad hangtod sa hangtod.
4 Siya lamang ang nagabuhat ug katingalahan kaayong mga butang,+Kay ang iyang maunongong gugma molungtad hangtod sa hangtod.+
5 Gibuhat niya ang kalangitan pinaagi sa kaalam,+Kay ang iyang maunongong gugma molungtad hangtod sa hangtod.
6 Iyang gihikyad ang yuta ibabaw sa katubigan,+Kay ang iyang maunongong gugma molungtad hangtod sa hangtod.
7 Iyang gibuhat ang dagkong mga kahayag,+Kay ang iyang maunongong gugma molungtad hangtod sa hangtod,
8 Ang adlaw aron mohatag ug kahayag sa maadlaw,+Kay ang iyang maunongong gugma molungtad hangtod sa hangtod,
9 Ang bulan ug ang mga bituon aron mohatag ug kahayag sa magabii,+Kay ang iyang maunongong gugma molungtad hangtod sa hangtod.
10 Gipamatay niya ang panganay sa Ehipto,+Kay ang iyang maunongong gugma molungtad hangtod sa hangtod.
11 Iyang gipagawas ang mga Israelinhon gikan sa Ehipto,+Kay ang iyang maunongong gugma molungtad hangtod sa hangtod,
12 Pinaagig kusgang kamot+ ug gamhanang bukton,Kay ang iyang maunongong gugma molungtad hangtod sa hangtod.
13 Iyang gipikas ang Pulang Dagat,+Kay ang iyang maunongong gugma molungtad hangtod sa hangtod.
14 Iyang gipatabok ang Israel agi sa tunga niini,+Kay ang iyang maunongong gugma molungtad hangtod sa hangtod.
15 Iyang gibanlod sa Pulang Dagat ang Paraon ug ang kasundalohan niini,+Kay ang iyang maunongong gugma molungtad hangtod sa hangtod.
16 Iyang gigiyahan ang iyang katawhan latas sa kamingawan,+Kay ang iyang maunongong gugma molungtad hangtod sa hangtod.
17 Iyang gipanglaglag ang bantogang mga hari,+Kay ang iyang maunongong gugma molungtad hangtod sa hangtod.
18 Iyang gipamatay ang gamhanang mga hari,Kay ang iyang maunongong gugma molungtad hangtod sa hangtod,
19 Si Sihon+ nga hari sa mga Amorihanon,Kay ang iyang maunongong gugma molungtad hangtod sa hangtod,
20 Ug si Og+ nga hari sa Basan,Kay ang iyang maunongong gugma molungtad hangtod sa hangtod.
21 Iyang gihatag ang ilang yuta ingong panulondon,+Kay ang iyang maunongong gugma molungtad hangtod sa hangtod,
22 Usa ka panulondon alang sa Israel nga iyang alagad,Kay ang iyang maunongong gugma molungtad hangtod sa hangtod.
23 Siya nahinumdom kanato dihang kita anaa sa makaluluoy nga kahimtang,+Kay ang iyang maunongong gugma molungtad hangtod sa hangtod.+
24 Ginaluwas niya kita gikan sa atong mga kaaway,+Kay ang iyang maunongong gugma molungtad hangtod sa hangtod.
25 Ginahatagan niyag pagkaon ang tanang buhing linalang,*+Kay ang iyang maunongong gugma molungtad hangtod sa hangtod.
26 Pasalamati ang Diyos sa kalangitan,Kay ang iyang maunongong gugma molungtad hangtod sa hangtod.
Mga Footnote
^ Literal, “tanang unod.”
