Siya Mibarog sa Iyang Gituohan

◼ Di pa dugay, ang siyete-anyos nga batang babayeng si Morgan ug ang iyang mga klasmet sa grade one giasaynan sa ilang maestra sa pagbasag usa ka estorya bahin sa Pasko. Giingnan ni Morgan ang iyang maestra nga siya wala magsaulog niana kay nagtuo siya nga ang maong selebrasyon wala sa Bibliya. Busa gipapili na lang si Morgan sa iyang maestra ug laing estorya nga dili makahasol sa iyang konsensiya.

Sa ulahi dihay gihimong programa sa eskuylahan sa paghatag ug pasidungog sa mga estudyante, ug ang pamilya ni Morgan gidapit sa pagtambong. Nasorpresa si Morgan sa dihang gihatagan siyag award tungod sa iyang lig-ong pagbarog sa iyang gituohan. Sa dihang gipangutana siya kon nganong lig-on ang iyang pagtuo, siya miingon nga siya ug ang iyang pamilya nagbasa sa librong Pagkakat-on Gikan sa Dakong Magtutudlo. Ang maong libro naundan ug mga leksiyon bahin sa kinabuhi ug mga pagtulon-an ni Jesu-Kristo.

Kining 256-panid nga libro, nga adunay nindot nga mga hulagway, magamit sa mga ginikanan sa pagpakighisgot uban sa ilang mga anak. Pipila sa mga ulohan niini mao ang “Kon Nganong Angayng Dili Kita Mamakak,” “Ang Tanang Parti Makapahimuot ba sa Diyos?,” ug “Tabang Aron Mabuntog ang Atong mga Kahadlok.”

Kon gusto nimog kopya, palihog pil-api ang kupon ug ipadala sa adres nga makita sa kupon o sa nahiangayng adres sa panid 5 niining magasina.

Interesado akong makadawat ug kopya sa librong gipakita dinhi.

□ Isulat kon unsang pinulongan.

□ Palihog kontaka ako bahin sa usa ka libreng pagtuon sa Bibliya sa balay.