Niadtong Lunes, Pebrero 6, 2023, gitay-og sa kusog kaayong linog ang Turkey ug Syria.

•   “Ang kusog kaayong linog mipatay ug kapig 3,700 ka tawo sa dakong bahin sa Turkey ug sa amihanan-kasadpang Syria niadtong Lunes. Nahitabo ni dihang bugnaw kaayo ang panahon, nga mas nakapalisod sa kahimtang sa linibo nga na-injured o nawad-ag balay ug sa pagpangitag mga survivor sa linog.”—Reuters, Pebrero 6, 2023.

 Maguol gyod ta dihang makabalita tag ingon ana nga mga trahedya. Niana nga mga hitabo, makapangayo tag tabang kang Jehova nga mao “ang Diyos sa tanang paghupay.” (2 Corinto 1:3) Siya nagtaganag “paghupay gikan sa Balaang Kasulatan [aron] kita makabatog paglaom.”—Roma 15:4.

 Sa Bibliya, atong makat-onan:

•   Kon unsay gitagna bahin sa mga linog.

•   Kon asa ta makakaplag ug kahupayan ug paglaom.

•   Kon unsaon pagtapos sa Diyos ang tanang pag-antos.

 Aron mahibaloan kon unsay giingon sa Bibliya bahin niini nga mga topiko, basaha ang artikulong:

•   “Dagkong Linog—Unsay Gitagna sa Bibliya?”

•   “Asa Ko Makakaplag ug Paglaom?”

•   “Hapit Nang Taposon sa Diyos ang Tanang Pag-antos”