Ang mga Saksi ni Jehova nag-offer ug praktikal nga paagi aron makakat-on ka bahin sa Bibliya. Ang among Bible study program makatabang nimo nga:

•   Mahimong malipayon

•   Masuod sa Diyos

•   Makakat-on sa mga saad sa Bibliya bahin sa umaabot

Niini nga webpage

•  Unsay ginahimo dihang mag-Bible study?

•  Naa bay bayad ang pag-Bible study?

•  Unsa ka dugay mahuman ang Bible study program?

•  Unsay akong himoon kon gusto nakong magpa-Bible study?

•  Puwede ba nga testingan lang una nako ang pag-study?

•  Kon magpa-Bible study ko, pugson ba ko nga mahimong Saksi ni Jehova?

•  Puwede ba nakong gamiton ang akong Bibliya?

•  Puwede ba nga paapilon nako ang uban sa akong pag-Bible study?

•  Kon nagpa-Bible study na ko sa mga Saksi ni Jehova sa una, puwede ba kong magpa-Bible study ug usab?

•  Naa ba moy gina-offer nga program sa Bible study nga walay instructor?

 Naay instructor nga motabang nimo sa pag-Bible study. Hisgotan ninyo ang lainlaing topic. Gamit ang librong Mabuhi Ka Hangtod sa Hangtod! anam-anam nimong makat-onan kon unsay mensahe sa Bibliya ug kon sa unsang paagi kini makatabang nimo. Para sa dugang impormasyon, tan-awa ni nga video.

 Wala. Ang mga Saksi ni Jehova nagsunod sa sugo ni Jesus sa iyang mga tinun-an: “Kamo nakadawat nga walay bayad, panghatag nga walay bayad.” (Mateo 10:8) Libre pod ang mga basahon nga gigamit sa pagtuon, sama sa Bibliya ug publikasyon nga Mabuhi Ka Hangtod sa Hangtod!

 Ang tibuok program naay 60 ka leksiyon. Ikaw ang magbuot kon unsa ka dugay nimo ning humanon, pero daghang estudyante ang gustong magtuon ug usa ka leksiyon o kapin pa kada semana.

1.  1. Pil-apan nimo ang online form. Ang personal information nga imong i-submit gamiton lang sa pag-process sa imong request nga kontakon kag Saksi ni Jehova.

2.  2. Naay instructor nga mokontak nimo. Iyang i-explain nimo ang arrangement sa pag-Bible study ug tubagon niya kon naa kay mga pangutana.

3.  3. Magsabot mo sa imong instructor. Puwede mong mag-Bible study nga personal o pinaagig telepono, video call, sulat, o email. Ang kada sesyon kasagaran moabot ug usa ka oras, pero puwede ra pod nga wala ray usa ka oras o kaha sobrag usa ka oras, depende sa imong eskedyul.

 Oo. Pil-api ang online form. Dihang kontakon ka sa imong instructor, ingna siya nga motesting lang una ka kon ganahan ba ka. Iyang gamiton ang brosyur nga Mabuhi Ka Hangtod sa Hangtod! nga naghisgot sa unang tulo ka leksiyon aron imong makita kon ganahan ba kang mag-Bible study.

 Dili. Ang mga Saksi ni Jehova ganahang motudlo sa mga tawo bahin sa Bibliya, pero dili namo pugson ang uban nga mosulod sa among relihiyon. Hinuon, among ipakita sa matinahorong paagi kon unsay giingon sa Bibliya, kay nakasabot mi nga ang kada usa naay katungod sa pagpili kon unsay iyang tuohan.—1 Pedro 3:15.

 Oo, puwede nimong gamiton ang bisan unsang bersiyon sa Bibliya nga gusto nimo. Ganahan ming mogamit sa Bag-ong Kalibotang Hubad sa Balaang Kasulatan nga tin-aw ug saktong pagka-translate, pero nakasabot mi nga daghang tawo ang gustong mogamit sa ilang naandan nga Bibliya.

 Oo. Puwede nimong paapilon ang imong tibuok pamilya o ang imong mga amigo o amiga.

 Oo. Basin mas mag-enjoy pa gani ka sa bag-ong study program kay gipahaom ni sa panginahanglan sa mga tawo karon. Mas daghag picture ug video ang libro nga ginagamit karon ug mas interactive ang pagtuon.

 Oo. Ang kadaghanan mas makakat-on kon naay instructor, pero mas gusto sa uban nga sa primero sila lang una ang magtuon. Sa among webpage nga Mga Tabang sa Pagtuon sa Bibliya, makita nimo ang libreng mga reperensiya nga makatabang nimo sa imong pagtuon sa Bibliya. Pananglitan:

•   Mga Video Bahin sa Bibliya. Mugbo ni nga mga video nga nag-explain sa importanteng mga pagtulon-an sa Bibliya.

•   Tubag sa mga Pangutana Bahin sa Bibliya. Gitubag niini nga mga artikulo ang lainlaing pangutana bahin sa Bibliya.

•   Mga Teksto Gipatin-aw. Sayra ang kahulogan sa komon nga mga teksto ug ekspresyon sa Bibliya.