Lón ach ei fansoun, och pwóróus a tongeni mwittir tori chómmóng aramas lón taropwe, reitio, TV, me wóón Internet. Chókkewe mi fel ngeni ewe Kot mi enlet rese mochen achéúfetálei och pwóróus ese pwúng. Are apwóróusa och pwóróus nge rese tepereni pwe mi mwáál. (Kf 31:5, NW; Eks 23:1) Ekkewe pwóróus mi mwáál emén a uwei ngeni emén, iwe mwirin ena emén a pwal uwei ngeni ekkewe ekkóch, a tongeni efisi watteen osukosuk. Atun kopwe cheki ika mi pwúng och pwóróus, pwisin eisinuk:

• ‘Ei pwóróus a feito seni emén ua lúkúlúkú?’ Ewe mi wisen apwóróusa ewe pwóróus, neman ese silei unusen ewe pwóróus. Ekkewe pwóróus mi tori emén, mwirin pwal emén, mwirin ekkewe ekkóch, epwe fókkun siwil, ina popun kopwe túmúnú ika kese silei ia ra feito me ie. Ekkewe Chón Kraist ra lúkúlúk wóón met chókkewe mi wor wiser lón ewe mwichefel ra apasa. Ina popun mi lamot án chókkana repwe fókkun túmúnú pwe resap apasa ekkewe pwóróus ese wor pisekin ánnet usur

• ‘Ei pwóróus a pweni emén?’ Ika a eitengawa emén are eú kúmien aramas, mi lamot sisap achéúfetálei.​—SF 18:8; Fp 4:8

• ‘Ei pwóróus mi enlet?’ Kopwe túmúnúéch lupwen ka rongorong pwóróus mi amwasangasang me amwarar

KATOL EWE VIDEO HOW CAN I STOP THE GOSSIP?, MWIRIN PÉLÚWENI EKKEEI KAPAS EIS:

• Me ren Än Salomon Fos 12:18, met a tongeni fis ika sise túmúnú ach kapas?

• Ifa usun Filipi 2:4 a álisikich le eáni ekiek mi itepék atun sia fós usun ekkewe ekkóch?

• Met sipwe féri ika emén a poputá le esiita are fósongaw usun emén?

• Me mwen ach sipwe poputá le fósun ekkewe ekkóch, menni kapas eis sipwe pwisin eisinikich?