Mwirin 4026 B.C.E.

“Ewe serepenit” a ú ngeni án Jiowa pwúúng le nemenem me napanapen an nemenem. Jiowa a pwonei pwe epwe wor ‘mwirimwir’ epwe puri mékúren ewe serepenit, Setan. (Keneses 3:1-5, 15) Iwe nge, Jiowa a mut ngeni aramas och fansoun ar repwe pwisin nemeniir fán etipetipaen ewe serepenit.

1943 B.C.E.

Jiowa a ereni Eperiam pwe ewe mwirimwir mi pwonetiw epwe feito seni emén me lein mwirimwirin kewe.—Keneses 22:18.

Mwirin 1070 B.C.E.

Jiowa a alúkúlúkú ngeni King Tafit, mwirin ngeni néún we Salomon pwe ewe mwirimwir mi pwonetiw epwe feito seniir.—2 Samuel 7:12, 16; 1 King 9:3-5; Aisea 9:6, 7.

29 C.E.

Jiowa a affata pwe Jises i ewe mwirimwir mi pwonetiw, ewe Chón Álemwiri án Tafit leenien móótun King.—Kalesia 3:16; Luk 1:31-33; 3:21, 22.

 33 C.E.

Ewe serepenit, Setan, a ekinása epinipinin ewe ‘mwirimwir’ ren ninniilóón Jises. Jiowa a amanawaatá Jises ngeni manaw lón láng me etiwa aúchean manawan mi unuséch, ena a awora lóngólóngun omusomusen tipis me ngeni mwirimwirin Atam kewe manaw esemuch.—Keneses 3:15; Féffér 2:32-36; 1 Korint 15:21, 22.

Ina epwe 1914 C.E.

Jises a oturatiw ewe serepenit, Setan, wóón fénúfan, me epwe nóm ekis chék fansoun.—Pwáraatá 12:7-9, 12.

Mwachkkan

Jises a kalapusei Setan ren 1,000 ier, mwirin a nieló, a liosuetá an apachchacha mékúran. Iwe, minne Jiowa a tipeni me lepoputáán fán iten fénúfan me aramas a pwénúetá, eitengawen itan we a móróló, me pwúngún napanapen an nemenem a leteló.—Pwáraatá 20:1-3, 10; 21:3, 4.