KAPAS EIS 17
Ifa Ussun Paipel A Tongeni Álisi Óm Famili?
MWÁN MI PWÚPWÚLÚ/SAM
“Pwal ina chék ussun ren ekkewe mwán, repwe tongei pwúlúwer kewe ussun chék ar tongei pwisin inisiir. Emén mwán mi tongei pwúlúwan a tongei pwisin i, pún ese wor emén a oputa pwisin inisin, nge a fen amwéngééni me aúcheani . . . Oupwe tongei en me pwúlúwemi ussun chék ámi tongei pwisin ámi.”
“Ámi sam kana ousap asonga néúmi kewe, nge oupwe ámááriiretá lón ewe emirit me éúréúr me ren Jiowa.”
FEFIN MI PWÚPWÚLÚ
“Ewe fefin epwe fókkun súféliti pwúlúwan we.”
“Ámi fefin kana, oupwe onómukemi fán nemenien pwúlúwemi kewe, pún ina met chón tapweló mwirin ewe Samol repwe féri.”
NAW
“Ámi naw kana, oupwe álleasochisi sememi kewe me inemi ussun met ewe Samol a mochen, pún iei met mi pwúng ámi oupwe féri. ‘Asamolu semom me inom,’ iei ewe áeúin allúk mi fiti eú pwon: ‘Pwe kopwe sópwéch me manawattam wóón fénúfan.’”
“Ámi naw kana, oupwe álleasochisi sememi kewe me inemi lón mettóch meinisin, pún iei met a apwapwaai ewe Samol.”
