Letipen Kot pwe sipwe nonnom lón kinamwe me pwapwa lón eú paratis woon fénúfan tori feilfeiló chék!

Eli kopwe ekieki, ‘Epwe ifa usun epwe fis ena?’ Ewe Paipel a erá pwe ewe Mwúún Kot epwe atufichi ena mettóch, me letipen Kot pwe aramas meinisin repwe káé usun an na Mwú me minne a fen tipeni fán itach.​—Aisea 9:7; Mateus 5:5.

Letipen Kot pwe sipwe feiéch.

Semach lón láng a tipeni ach sipwe pwapwa fóchófóch, a usun chék emén sam mi múrinné mi mochen pwe néún epwe sópwéch. (Aisea 48:17, 18) Kot a pwonei pwe ié mi ‘föri letipan epwe manau tori feilfeilachök.’​—1 Johannes 2:17.

Letipen Kot pwe sipwe apwénúetá an emmwen.

Ewe Paipel a apasa pwe ewe Chón Férikich a mochen “aiti ngenikich mine a mochen sipwe fori pwe sipwe tongeni apwonueta an kewe kapas.” (Aisea 2:2, 3) Ewe Chón Férikich a fen akkóta “eu mwichen aramas fän itan” pwe epwe esilefeili letipan wóón unusen fénúfan.​—Föför 15:14.

Letipen Kot pwe sipwe tipeeú lón ach fel ngeni.

Án Jiowa fel mi limeliméch a etipeeúfengeni aramas fán tong enlet, nge ese fen etipefeseniir. (Johannes 13:35) Ié kewe ikenái ra áiti mwán me fefin ekis meinisin usun ar repwe angang ngeni Kot fán tipeeú? Ám aua etiwok le alapaaló om silei ren om káé ei puk.