Psonm 62:1-12
Pour direkter lanmizik. Zedoutoun.* En sanson David.
62 Wi, mon reste trankil e mon esper Bondye.
Bondye i mon Sover.
2 Wi, i mon ros e sa enn ki sov mwan, mon landrwa kasyet ki an sekirite,*Mon pa pou zanmen tonbe.
3 Ziska kan zot pou atak en zonm pour touy li?
Zot tou zot danzere parey en miray ki pros pour tonbe, en miray ros ki pros pour degrengole.*
4 Zot koz ansanm pour tir li dan son o pozisyon,*Zot kontan koz manti.
Avek zot labous, zot beni, me dan zot leker, zot modi. (Sela)
5 Wi, mon reste trankil e mon esper BondyeParski mon annan lespwar dan li.
6 Wi, i mon ros e sa enn ki sov mwan, mon landrwa kasyet ki an sekirite.Mon pa pou zanmen tonbe.
7 Bondye i mon sover, li ki donn mwan laglwar.
Bondye i mon ros for ek mon landrwa kasyet.
8 Zot lepep, toultan annan konfyans dan li.
Devid zot leker avek li.
Bondye i en landrwa kasyet pour nou. (Sela)
9 Bann zonm i parey lavaper,*Bann imen i zis parey en mansonz.
Ler ou met zot tou ansanm lo en balans, zot pli leze ki lavaper.
10 Pa bezwen krwar ki si ou malonnetOubyen si ou vole ou pou vin ris.
Si ou larises i ogmante, pa met ou konfyans ladan.
11 Bondye in koz en fwa, wi, de fwa mon’n tann sa:
Bondye ki annan lafors.
12 O Zeova, lanmour fidel osi i pour ou,Parski ou rekonpans sakenn dapre sa ki i’n fer.
Bann not
^ Vwar Leksplikasyon bann mo.
^ Oubyen “landrwa o.”
^ Oubyen posibleman, “Zot tou zot fer sa, konmsi i en miray ki pros pour tonbe, en miray ros ki pros pour degrengole.”
^ Oubyen “fer li perdi son dinyite.”
^ Oubyen “souf.”
