Larelizyon ki zwenn ansanm
Eski tou dimoun ki relizye i ador menm Bondye?
Eski tou larelizyon ki ansenny diferan krwayans i fer plezir Zeova?
Mt 7:13, 14; Zan 17:3; Efe 4:4-6
-
Legzanp dan Labib ki kapab ed ou:
-
Zoz 24:15—Zozye ti montre ki dimoun i bezwen swazir swa pour ador Zeova oubyen lezot Bondye
-
1Rw 18:19-40—Zeova ti servi profet Eliya pour montre ki bann ki ador sa vre Bondye pa kapab ador lezot bondye parey Baal
-
Ki mannyer Zeova ti santi konsernan bann bondye lezot nasyon ek ladorasyon ki zot ti gannyen?
Ki mannyer Zeova i santi ler dimoun i dir ki zot pe ador li me ki an menm tan zot fer bann keksoz ki i pa kontan?
Iza 1:13-15; 1Ko 10:20-22; 2Ko 6:14, 15, 17
-
Legzanp dan Labib ki kapab ed ou:
-
Eg 32:1-10—Zeova ti vreman ankoler ler Aaron ti fer stati en pti bef annor e servi li pour selebre en “lafet pour Zeova” akoz bann Izraelit ti met presyon lo li
-
1Rw 12:26-30—Pour anpes lepep al kot tanp Zerizalenm, Lerwa Zeroboam ti servi bann zidol pour reprezant Zeova e sa ti fer lepep dezobei Zeova
-
Ki mannyer Zeova ti montre bann Izraelit ki zot bezwen reste lwen avek bann ki ador lezot bondye?
Ki Zeova ti fer ler son pep ti ador lezot bondye?
Zi 10:6, 7; Ps 106:35-40; Zer 44:2, 3
-
Legzanp dan Labib ki kapab ed ou:
-
1Rw 11:1-9—Bann madanm etranze Lerwa Salomon ti fer li ador lezot bondye e sa ti ankouraz lezot dimoun pour fer parey, alor Zeova ti vreman ankoler
-
Ps 78:40, 41, 55-62—Asaf ti montre ki mannyer ler bann Izraelit ti rebel kont Zeova e ador zidol, sa ti fer leker Zeova fermal e I ti rezet Son pep
-
Eski Zezi ti aksepte bann lansennyman relizye ki pa ti an armoni avek Parol Bondye?
-
Legzanp dan Labib ki kapab ed ou:
-
Mt 16:6, 12—Zezi ti konpar lansennyman bann Farizyen ek Sadiseen avek lelven vi ki bann fo lansennyman ti fasilman propaze e sali laverite ki dan Parol Bondye
-
Mt 23:5-7, 23-33—Zezi ti kondann bann profeser lalwa ek Farizyen akoz zot ti ipokrit e ansenny bann fo lansennyman
-
Mr 7:5-9—Zezi ti kondann bann profeser lalwa ek Farizyen akoz zot ti fer bann tradisyon zonm vin pli enportan ki bann lansennyman ki dan Parol Bondye
-
Eski Zezi ti ankouraz son bann disip pour fer diferan group relizye?
-
Legzanp dan Labib ki kapab ed ou:
-
Zan 15:4, 5—Zezi ti servi legzanp en pye rezen pour montre ki son bann disip i bezwen reste ini avek li e antre zot
-
Zan 17:1, 6, 11, 20-23—Dernyen zour swar avan i ti ganny met amor, Zezi ti priye pour ki tou son bann disip i reste ini
-
Eski bann diferan kongregasyon Kretyen dan premye syek ti annan menm krwayans e ador Zeova dan menm fason?
-
Legzanp dan Labib ki kapab ed ou:
-
Akt 11:20-23, 25, 26—Bann kongregasyon Antyos ek Zerizalenm ti ini e korpere avek kanmarad
-
Ro 15:25, 26; 2Ko 8:1-7—Diferan kongregasyon dan premye syek ti donn zenerezman bann kado pour ed bann ki ti dan bezwen. Sa i montre ki i ti annan lanmour dan bann kongregasyon
-
Eski Bondye i aksepte tou larelizyon ki dir zot krwar dan Zezi?
Si dimoun pa swiv bann lansennyman Zezi ek bann zapot, eski Zeova pour aksepte zot ladorasyon?
-
Legzanp dan Labib ki kapab ed ou:
-
Mt 13:24-30, 36-43—Zezi ti servi en legzanp pour montre ki parey move zerb ki pouse dan en plantasyon, en kantite swadizan Kretyen ti pou aparet e propaze dan kongregasyon
-
1Zan 2:18, 19—Ler zapot Zan ti aze, i ti dir ki i ti annan en kantite lennmi Kris ki ti’n deza aparet
-
Ki pou arive si kongregasyon i aksepte bann fo lansennyman ek move kondwit?
Ki bann Kretyen i devret fer pour reste ini?
Akoz bann Kretyen i devret reste lwen avek fo ladorasyon?
Akoz i apropriye e i bon pour fer dimoun konn bann fo lansennyman?
Akoz nou pa devret sirprann ler dimoun lezot larelizyon ki opoz vre ladorasyon i atak e persekit nou?
Ou pou kapab kontan sa osi
LAREPONS SORTI DAN LABIB
Eski Bondye i kontan tou larelizyon?
Labib i met lanfaz lo de pwen ki ed nou ganny larepons.
KONSERNAN NOU
Eski ou ti a kontan en vizit?
Diskit en kestyon lo Labib oubyen aprann plis lo Temwen Zeova.
