˗Wo ˗dhɔ ꞊dede ˈö kun ˗zlanwokɔdhi ˈgü, ˗a ˗yö
꞊DHEGBLÜZË ˗nu ˗yaaga ˈwo ˗an ˗dhɛ Yomara, Maaselo waa Ivɛɛ ˗wo ˗kun ˈpödhɛ ˈnën ˈˈtɩtɩ do ˈgü Guatemala. ˈDhɛ Yomara ˗yö Biblö draanˈˈ ˗sü zübho Zoova ˗bha ꞊Gbɛkiö ˗nu ˈˈpiʋ̈, ˗a ꞊dhegblü ˗nu ˗wo ˗kpa ˗a ˗bha. ˈˈKɛɛ ˗a ˗dhɛ ˈˈgbɩɩdhɛ ˈö kun mü ˈyö ˗tɔ Yomara waa ö ꞊dhegblü ˗nu ˈwaa ˗dhɛ yö, ˈö go mü ˈzü ˈwaa blai ˗wo pö ˗dhɛ dɔ. ˗An ꞊klaŋkëmɛn dua ˗mü kö ˗yö Biblö ˗draan ˗a ˈka ˈsëëdhɛ waa Biblö ˈˈɲan ˗nu ˗wo pö ˗an ˗dhɛ.
˗Nu ˗bhɔkwëë ˗nu ˗ta ˗sü ˗kë ˗an ˗gɔ ˈˈgbɩɩ˗ ˈzü, ˈyö sü ꞊dhɛ ˈwaa ꞊mɔɔn˗ ˗bha kö ˗wo ˈˈtasü wo ˗de ˗ta minitö 40 ˈˈpiʋ ˗wo nu ˗bhɔkwëëkëgükɔ ˈgü. ˈˈKɛɛ kwa ꞊dhegblü ˗nu ˗wo ˗an ˗takun kö ˗wo kë ˗bhɔkwëë ˈˈpɛpɛ ˗ta. ˗Wa yö ˗nu dɔ ˗an ˗kɔ ˈka ˈˈdhoogɔ ꞊zinŋgü ˗bhɔkwëë ˗nu ˗ta, kwa ꞊dhegblü ˗nu ˗an ˗takun ˈzü kö ˗wa ˈgüwɔn ˗nu ꞊gban ˈkun wo ˗zo ˈˈpiʋ̈.
˗Kwɛ 2019 Mɛn ˈˈsu ˈgü, ˈyö ˗bhɔkwëë kë ˗sü zü ˗yö dɔ ˗an ˗gɔ ˈplöö. ˈKosümɛn ꞊plɛ ˈwo ˈˈtʋ̈ŋ ꞊gban ˈgü ˗yödhiʋ ˈka, ˗wo ˗dho ˈwo ˗ya mü. ˈKö ˗kë ꞊dhɛ ˈwaa blai ˗wo pö ˗dhɛ dɔ, ˗wa ˗da wo ˗zo ˈˈpiʋ̈ ꞊dhɛ wo ˗dho ꞊dhegblüzë ˗nu ˗yaaga ˈwo bhë ˗an ˗takun kö ˗wo blai ˗wo pö. ˗A ˗wɔn ˈgü, ˗wo ˗dho ˈsëëdhɛ ˗gɔkpɔdhɛ do ˗bha ˈgü ˈwo blai ˈsëëdhɛ sü kö ˈwo mɛn ˗nu ꞊klaŋkë ˗a ˈka ˗kɔ draanˈˈ.
Maaselo ˗yö ˈwɔn ˗daakë ˗ni ˈgü ˗bhɔkwëë ˗ta.
ˈDhɛ ˈˈsu ˈbha ˗nu ˗ʒiö, kö ꞊dhegblüzë ˗nu ˈwo bhë ˗wo blai ˗wo pö ˗ni ˈgü ˗së ˈka. ˈGo mü kö waa Zoova ˗an ˗bha ˗mlɛɛn ˗ya kë ˈˈgbɩɩ. ꞊Dɛɛ Yomara, Maaselo waa Ivɛɛ ˗wo ˈˈtʋ̈ŋ ꞊gban ˈgü ˗yödhiʋ ˈka. Maaselo ˗yö mɛn zii ˗kɔ ꞊löö ˈka. ˗An ˗kɔ ˗yö Zoova ˗dhɔkësü ˈgü ˈˈdhoogɔ ˈˈpɛpɛ ˈka. ˗An ˗bha ˗Zlan ˗dhɔkë wo ꞊faan ˈka ˗sü ˗wɔn ˈgü, mɛn ˈbha ˗nu ˗wo ˗to ˗an ˗bha ˈwɔnzuan ˈˈpiʋ̈.
꞊Dhegblüzë ˗nu ˗yaaga ˈwo bhë ˗wo ˗zlanwokɔdhigümɛn ˗nu ˈˈnuɛ ˗bho ꞊dedewo wo ˗takun ˗sü ˗bha. Yomara ˗ya ˗pö: «ˈÖ sü ˗dhɛkpaɔyi ˗blɛɛsü ˈyi ˗kpan ˗a ˈka Zoova ˗bha ꞊Gbɛkiö ˗nu ˗bha ˈö yö˗ ˈka ꞊dɛɛ ˗bha, ˗wa ˗dhɔ ꞊dede ˗zɔn yi ˗dhɛ.» Maaselo ˗de ˈpö ˗ya ˗pö: «Yi ˈˈtɔŋdë ˗së ˗nu ˗wo yi ˗bha ˗zlanwokɔdhi ˈgü, ˈö yi ꞊dhegblü ˗nu ˈö yi ˗dhɔ yi ˈko ˗kë, ˈwo ˈˈkpɔnŋtaadhɛ ˗todhʋ̈sü ˈgü.» Yomara waa ö ꞊dhegblü ˗nu ˗an ˈˈɲan ˗yö ˈˈtʋ̈ŋ ˈö ˈˈsɛtadhɛ dho kë ˗a ˈka ꞊bhɔɔ ˈˈsɛ ˈka, ˗a ˗gɔ.—Ps. 37:10, 11; Is. 35:5.
