ˈWƆN ˗GƆ 7
ˈDe ˈtɔ˗ Yesu?
Zoova ˗yö Yesu ˗bɔ ˈˈkpɔnŋ ꞊taa. 1 Zan 4:9.
ˈKwa˗ pö ˈkwa kë Zoova ˗dhɛ ˗së, ˗kwa kwa ˈˈtʋ ˈto a gbö ˗wo ˗bha. Zoova ˗yö ö Gbö ˈö ˈˈdhʋ̈ ˗a ˗da ˗zuu ˈˈpiigbɩɩsü do ˈka dhaŋ˗ ˈgü, ˈö˗ ˗dhɛ ꞊gwëë ˈyö ꞊kun Adan ˗da ˗ni.
ˈDhɛ ˈˈtʋ̈ŋ ˈbhaa ˗wo, ˈyö Zoova ˗yö ˗zuu bhë˗ bɔ ˈnëndhiëŋnën do ˈö ˈyaa gɔɔn˗ ˗wɔn dɔ ˈö ˈwo˗ ˗dhɛ Madhi ˗a ˈˈgblüŋ kö ˗yö bhɔ Betedhɛmö ˈˈsɛ ˈgü. ˗A ˈnën bhë ꞊nɛn ˈwo ˗dhɛ Yesu.—Zan 6:38.
ˈDhɛ ˈö ˗kë mɛnbhɩɩdhe ˈka ˈˈkpɔnŋ ꞊taa ˗Zlan ˗bha ˈˈklʋsëdhɛ ˈnën Yesu ˗ya sü ˈkpakpadhö. ˗A ˈˈglu ˗kun ˗së, ˈö mɛn ˗nu ˗dhɔ ˗ya ˗kë, ˈö dhiaŋ ˗zë ˗a ˗dhɛ ˗sü ˈyaa kun ˈˈgbɩɩ˗. Gagade ˈö ˗gban Zoova ˗bha ˈyaa kun ˗a ˗zɔn ˗ni ˈgü mɛn ˗nu ˗dhɛ ˈˈsuʋ̈ ˈka.
Yesu këwɔn ˗kun ˗së, ˈˈkɛɛ ˗a ˗san ˗kun mɛn ˗nu kë ˗ni ˈgü. 1 Piɛdhö 2:21-24.
Yesu ˗yö ˈˈyua ˗bho mɛn ˗nu ˈgü, ˈö mɛn ˈbhaa ˗nu bho ga ˈgü ˈpö.
˗A ˈˈtʋ̈ŋ bhë˗ ˈgü Yesu ˗san ˗kun ˗Zlan ˗dhɔkëmɛn ˗gɔmɛn ˗nu kë ˗ni ˈgü. ˗A ˗gɛn ˗mü ꞊dhɛ ˗yö ˗kun ˈˈdhɛ bho ˗ni ˗an ˗bha mɛn ˗nu ꞊klaŋ ˗kë ꞊sua ˈka ˗sü waa ˗an këkɔyaa ˗nu ˗ta.
˗Zlan ˗dhɔkëmɛn ˗gɔmɛn ˗nu ˗wo ꞊sua ˗kë Yesu ˗bha kö Wlɔmö ˈˈsɛ ˗gɔdhiʋ̈mɛn ˗nu ˗wo Yesu ˗man, ˗wa zë.
