Yi ˈsëëdhɛ ˗nu ꞊dhiëëta ˗wo ˈö ꞊mɔɔn ˗wo 750 ˗bha, ˗an ˈgü kë ˈˈdhʋ̈ kö ˈyi “naɔ ˗së” pö “mɛ ˈˈpɛpɛ ˈwo ˈˈkpʋng ꞊taa [...] mɛ suu ˗gaɔ ꞊gban ˈdo ˈdo, ˈˈsɛgɔ ꞊gban ˈdo ˈdo ˈˈɛɛn ˗wʋ suu ꞊gban ˈdo ˈdo pö ˗mɛ ˗nu ˗dhɛ.” (˗Dhɛkpaɔ dhiaˈˈ ˈsëëdhɛ 14:6) Yö ˈö ˈˈdhʋ̈, yi ꞊mɔɔn ˗a kë ˗sü ˗bha ˗kɔ ˗kë ꞊dhɛ? Yi ꞊mɔɔn ˗a kë ˗sü ˗bha, ˈsëëdhɛ ˗benzëmɛn ˗nu waa ˗wodhiëëtamɛn ˗nu ˈwo ˈˈsɛ ˗todhʋ̈sü ˈgü, ˗an ˈsaa˗ ˈgü. ˗An ꞊gban ˗wo Zoova ˗bha ꞊Gbɛkiö ˈka.

Yi ˈsëëdhɛ ˗nu ˗bɛn ˗zë ꞊glee˗ ˗wo ˈgü ˗be. Yi ˈˈDhiʋ̈ʒiöwomɛn ˗nu ˈnën ˈwo ˈsëëdhɛ ˗bɛn zë ˗sü ˗yö ˈö yi ˗bha Betɛlö ˈkpii˗ ˈgü bhë, ˗a ˗gɔ ˈˈdhiʋ̈. ˈSëëdhɛ ˗bɛn zë ˗sü ˗yö ˗bha ˈwɔnyëë ˈnën yö ˗dɔ ˈsëëdhɛ ˗bɛnzëmɛn ˈˈpɛpɛ ˈwo yö ˗kë yi ˗bha Betɛlö ˈkpii˗ waa Betɛlö ˈbha ˗nu ˈgü, ˗an ˗kɔ ˈka. ˗A ˗kë ˗sü kö ˈsëëdhɛ ˗bɛnzëmɛn ˗nu ˗wo ˗kë ˈˈsɛ ꞊vadhɛ ˈgü bhë, ˗ya ˗kë ˈö ˈwɔn ˗nu ˈwo ˗gban mɛn suu ꞊va ˗bha, ˈyi ˗an ˗wɔn ꞊blɛɛ yi ˗bha ˈsëëdhɛ ˗nu ˈgü.

ˈSëëdhɛ ˈö ˗bɛn zë bhë, ˗yö ˈdho ˗wodhiëëtamɛn ˗nu ˗dhɛ. Yi ꞊dhegblü ˗nu ꞊wa wo bo ˈsëëdhɛ ˗nu bhë, ˗an ˗bɛn zë ˗sü ˈka, ˈyö ˈwo ˗an bɔ ˗wodhiëëtamɛn ˗nu ˈwo ˈˈsɛ ˗todhʋ̈sü ˈgü, ˗an ˗dhɛ ɛntɛnɛtö ˗ta. ˗Wodhiëëtamɛn ˗nu ˗wo wo ˈgü dɔ ˈˈgbɩɩ˗ kö pë ˈwo˗ pö ˈsëëdhɛ ˗nu ˈgü ꞊glee˗ ˗wo ˈgü, ˗wa ꞊dhiëëta ˗së ˈka ˗an ˗de ˗wo ˈgü.—Ecclésiaste 12:10.

Ɔdinatëë ˗yö ˗an ˗takun ˈwo ˗yö ˗kë ˈˈvaandhö. Ɔdinatëë ˗nu ˈwaa ꞊mɔɔn˗ ˗bha kö ˗wö yö ˗kë ˈsëëdhɛ ˗bɛnzëmɛn ˗nu waa ˗wodhiëëtamɛn ˗nu ˈˈgblʋʋ ˈgü. ˈˈKɛɛ ˗wa yö ˗kë dishiɔnɛɛ waa pë ˗mɛɛn ˗a ˈka pë ˗nu ˈwo ɔdinatëë ˗ta, ˗an ˈka, ˗wo ˗yö ˗kë ˈˈvaandhö. ꞊Ya ˈgo mü, Zoova ˗bha ꞊Gbɛkiö ˗nu ˈwo Système électronique d’édition multilingue ˈwo˗ ˗dhɛ (MEPS) bhë, ˗a baaˈˈ ˗sü ˈka kö ˗yö ˗an ˗takun. ˗A pë ˈö ˈˈdhʋ̈, ˗yö ˈsëëdhɛ ꞊dhiëëta ˗wo këŋ ꞊va ˈgü, ˈö pë ˈˈbin ˗nu ꞊nënŋ ˗an ˗ta, ˈyö ˗an ˗pë ˗kë ˗së ˈka kë ˈˈdhʋ̈ kö ˗wo ˗an ˈˈgan.

ˈMën ˗kë ˈö ˈyi yi ˈgü dɔ ˈˈgbɩɩ˗ kö ˈyi ˈsëëdhɛ ˗nu ꞊dhiëëta ˗wo ˈbha ˗nu ˈö mɛn ꞊vadhɛ ˈwaa ˗an pö, ˗an ˈgü? Yi˗ kë ˈˈdhʋ̈ ˈyö ˗tɔ ꞊dhɛ Zoova “ˈyaa˗ ˈˈpiʋ̈ ꞊dhɛ mɛ ˈbha ˗mɛ ˈbha ˈgü ˗yö see˗, ˈˈkɛɛ mɛ ˈˈpɛpɛ ꞊gban ˗wo ˈdhang ꞊në˗ bho tɛanwɔn ˈˈdhiʋ̈ kö ˗wo dha.”—1 Timote 2:3, 4.

• Yi ꞊dhegblü ˗nu ˗wo yi ˗bha ˈsëëdhɛ ˗nu ˗bɛn ˗zë ˗kɔ ˗kë ꞊dhɛ?

• ˈMën ˗kë ˈö ˈyi ˈsëëdhɛ ˗nu ꞊dhiëëta ˗wo ꞊va ˈgü?