ba dube̱ nde ná moto a mayabe̱ ngedi jita o mańolo me diwengisan. Ba me̱ne̱ pe̱ nde take ka betune̱ bena be mako̱ye̱ moto ońola beboledi bao ba din longe̱ to̱ ba longe̱ lao di tombi. Moto e so̱ ná a po̱ o dime̱ne̱ la moksha, le nde su la di yabe̱ la ngedi na ngedi, yete̱na a pandise̱ mo̱me̱ne̱ na mambo ma mawane̱ muńe̱nge̱ ma longe̱.

ba me̱ne̱ nde take ka beko̱kisedi ońola myobe, na kekise̱ la dube̱. Do̱kita Sayyid Syeed, ńe o mulopo ma badubedi ba ebas’a bawusa o Amerika ńa Pongo a kwali ná mambo ma bobe ma mako̱ye̱ nde biso̱ ná di si dimbea “o timbise̱le̱ Loba masoma ońola minam masu, na sue̱le̱ pe̱ ba bena be o ńo̱ngi.”

ba mokwe̱le̱ nde ná take e mawa nde tongwea na beboledi ba moto mo̱me̱ne̱. Bajū bō̱ ba makwala ná bepumbwedi be me̱nde̱ be̱, owe̱ni te̱me̱ la sim di me̱nde̱no̱ bolabe̱ ba bena ba taki esibe̱ njo̱m. Belēdi ba bajū be mokwe̱le̱ ná moto a wedi te̱ a matimba pe̱te̱ longe̱ o ewekedi epe̱pe̱, nik’e mabola mo̱ epolo o po̱ngulane̱ mawuse̱ mao.

ba dube̱ nde ná moto a mayabe̱ ngedi jita. Ba makwala ná moto a mataka nde nika mo̱ na mo̱ natē̱ ponda a mese̱le̱no̱ beboledi, mo̱nge̱le̱ na bede̱mo bao ba bobe. A tuko te̱, a kumwa bola mambo ma bwam, a sangise̱ pe̱ mo̱nge̱le̱ mao, a matunge̱ so̱ o nirvana, nika ńe nde dime̱ne̱ la longe̱ we̱ni take e titino̱.

Kalati A Dictionary of Comparative Religion e makwala ná bato ba y’ebasi ba dube̱ nde ná dongo dinde̱ne̱ la take di mawa nde tongwea na “mambo mot’a benama a si tongwe̱le̱no̱ o bola name̱ne̱ pe̱ na mawuse̱ mao.” Ebas’a confisius e memba ná to̱ná moto eno̱ ná a wutise̱ tak’ao tongwea na die̱le̱ longe̱ lao o mbad’a bwam, o jita la ngedi take e mawa nde tongwea na bewekedi ba mudī bena be buki ngiń’a mot’a benama. Moto e so̱ nde eto̱m o jemea bedomsedi bena be bewekedi ba mudī be mano̱ngo̱no̱ omo̱ń ao.

ma mokwe̱le̱ ná mbeu a ńolo e lati nde na ndimsi. Bupisane̱ ma madube̱, bato ba myanga be ná ba bola ná moto a be̱ne̱ musima to̱ ná a kuse mbeu a ńolo, beboledi bō̱ pe̱ be ná be lo̱ko̱ mo̱. Bato ba dube̱ ná bango te̱ moto diboa, mot’a ngaṅ e ná a bo̱lise̱ mo̱ na beboledi bao.

i dube̱ ná bobe ba bato ba benama baba baboso nde bo wan take, ka nje te̱ e tilabe̱no̱ o kalat’a Bebotedi. Nde bebasi jita be bati mabu mo̱nge̱le̱ o be belēdi. K’eyembilan, bato ba Katolik bō̱ ba dube̱ ná moto ńe o take̱ e ná a bola Loba taka lao ka jabea. Ba dube̱ ná ninka ‘jabea’ ńe ná e wanea ebasi ye̱se̱ tombwane̱ to̱ wanea bane̱ bwam na jongise̱.