Nin Kalati Bepasi ba Bibe̱l ońola longe̱ la kriste̱n e me̱nde̱ jongwane̱ wa o pomane̱ so̱ bepasi ba Bibe̱l, nikame̱ne̱ pe̱ na myango me ná mongwane̱ wa o lembe̱ mitakisan o be̱nno̱. E me̱nde̱ pe̱ jongwane̱ wa o so̱ bepasi ba Bibe̱l be te̱nge̱n o jembe̱ bape̱pe̱ na jongwane̱ babo̱ ná ba no̱nge bedomsedi be masese̱ Yehova. Po̱so̱ nde tema o mapulano̱, nde o bupe̱ myuedi na ebongolo a myango ma Bibe̱l me owas’ao. (Ombwa edinge̱le̱ “ Ne̱ni bolane̱ nin kalati.”) O me̱nde̱ so̱ bepasi ba Bibe̱l be mabole̱ wa malea, bediedi na lo̱ko̱mea o be̱nno̱ ńo̱ngi. O me̱nde̱ pe̱ so̱ bete̱sedi ba Bibe̱l ba bwam weno̱ ná o bolane̱ o jongwane̱ na jembe̱ bape̱pe̱ ná ba lembe̱ mitakisan mabu.

Nin kalati e si mabola bepasi ba Bibe̱l be̱se̱ jombwea tema te̱. Nde e mongwane̱ wa o botea muwaso. (Min 2:1-6) Ná o so̱le o njiba, bolane̱ maki ma jokwa me o La Bible. Traduction du monde nouveau. Bolane̱ Mudied’a muwaso ńa Mboṅ a Yehova to̱ Index des publications Watch Tower o bata so̱ṅtane̱ beteledi b’epas’a Bibe̱l ewo̱ to̱ ne̱ni we̱le̱ mo̱ o ebolo. Wasa nje e wu busisabe̱ peńa o be̱ mbaki ná o be̱n so̱ṅtane̱ la peńa la y’epas’a Bibe̱l.

Kalati Bepasi ba Bibe̱l ońola longe̱ la kriste̱n ńongwane̱ so̱ wa o be̱ne̱ dibie̱ na so̱ṅtane̱ bena be o Betiledi ba bosangi. O nibolane̱ te̱ nin kalati, o me̱nde̱ bata be̱ mbaki ná “eyal’a Loba ye longe̱ na ngińa.”—Bon 4:12.