Nik’e ta po̱n nde be̱be̱
Songwa:
Byemban ba madoi
1. Senga lono̱n lo malo̱ngo̱,
Buńa pe̱ bwe o do̱lo̱,
We o m’beṅsan o muyenga.
Elolombe e mapańse̱ mo̱ń.
We̱ne̱ bandolo bo̱ngo̱,
O kumwa kasa babo̱.
Nin Paradisi we̱nge̱
E ta po̱n biso̱ be̱be̱.
2. O m’beṅsan na o midongo
Milongi mi longabe̱.
La tongo’a madiba wone̱
Senga ngoso ńe o jobabe̱.
Pond’a mumbwa e mápo̱,
Mbasi i ko̱to̱be̱le̱.
Wase di be̱nno̱ we̱nge̱
E ta po̱n biso̱ be̱be̱.
(ŃANGI)
Se̱ bwam yeno̱ ’be̱ na mako̱m;
’Kusa me̱se̱ di tatino̱!
Miso̱di pe̱ mi titi pe̱.
Longe̱ le bwam, wase peńa.
3. Senga doi di masombise̱,
N’enumb’a da le tute̱.
Nd’o kasa bandolo bo̱ngo̱
O buńa ba mutam bope̱pe̱.
Di masoma so̱ Yehova,
’Ńola ndol’ao ńe̱se̱.
Minam di be̱nno̱ we̱nge̱
Mi ta po̱n biso̱ be̱be̱.
(ŃANGI)
Nde buńa te̱ ne muńe̱nge̱,
“Je̱ne̱ ne̱ni weno̱ bonam!”
Na si ta pe̱ to̱ nenge̱le̱
Ná na me̱nde̱ sokane̱ wa.
4. Wase na menge̱’no̱
E ta po̱n biso̱ be̱be̱.
Ńe nde kakan la Yehova
Lena le mbaki le pe̱ mbale̱.
Mulema mam mu membame̱;
No̱nge̱le̱ te̱ man me̱se̱.
Buńa na menge̱le̱no̱,
Mo̱ bo ta po̱n biso̱ be̱be̱.
