A’ YE TO ƝƐƐ NA!
Dumuniko gwɛlɛya be juguyara ka taga duniɲa kuru bɛɛ kɔnɔ Ikrɛni kɛlɛ kosɔn
Saan 2022 mɛkalo tile 19, Nasiyɔn Zini ka Kɛlɛntanyatɔnba Jɛnkulu (Conseil de sécurité des Nations unies) ye ɲɔgɔnyeba dɔ kɛ. O ɲɔgɔnye la, mɔgɔ 75 y’a fɔ ko “duniɲa kuru bɛɛ kɔnɔ, dumuniko gwɛlɛya tora ka juguya Covid-19 fɔɲɔbana, yɔrɔ gwanko ani Ikrɛni kɛlɛ kosɔn. N’o koo ma ɲɛnabɔ, o ka teli ka na ni kɔngɔba ye duniɲa kuru bɛɛ kɔnɔ.” Dɔɔni o kɔ, a fɔra zurunali The Economist kɔnɔ ko “duniɲa ka gwɛlɛyaw ma ɲɛnabɔ ka ban ani Ikrɛni kɛlɛ be ɲini ka na ni kɔngɔba ye duniɲa kuru bɛɛ kɔnɔ.” Bibulu tun kɔnna k’a fɔ ko dumuniko gwɛlɛya bena kɛ an ka wagati la. Nka a b’a yira an na fana an be se k’o gwɛlɛyaw muɲu cogo min na.
Bibulu tun kɔnna k’a fɔ ko dumuniko gwɛlɛya bena kɛ
Yezu tun kɔnna k’a fɔ ko: “Siya dɔ bena wili siya wɛrɛ kama. Jamana dɔ bena wili jamana wɛrɛ kama. Kɔngɔ bena don yɔrɔ dɔw la.”—Matiyo 24:7.
Sobolila naani koo fɔra Bibulu kɔnɔ yirali ka kitabu kɔnɔ. U dɔ ye kɛlɛ tagamasiɲɛ ye ani dɔ wɛrɛ be tugura a kɔ, n’o ye kɔngɔ tagamasiɲɛ ye. O kɔrɔ ko wagati dɔ tun bena se dumuniko gwɛlɛya bena kɛ ani fɛɛnw sɔngɔ bena gwɛlɛya. Bibulu b’a fɔ ko: “Ne ye filɛli kɛ, n y’a ye soo finman bɔra. Mɔgɔ min tun b’a kan, kilo tun b’o bolo. N ye kumakan dɔ mɛn . . . ko: ‘Bile kilo kelen sɔngɔ ye tile kelen baara wari ye. Orizi kilo saba sɔngɔ fana ye tile kelen baara wari ye.’”—Yirali 6:5, 6.
Dumuniko gwɛlɛya min tun kofɔra Bibulu kɔnɔ, o be dafara bi an ka wagati le la, o min weelela Bibulu kɔnɔ ko “laban tuma.” (2 Timote 3:1). Sobolila naani minw kofɔra yirali ka kitabu kɔnɔ, walisa ka dɔ lɔn u ka boli ani “laban tuma” koo la, videwo nin filɛ: Le monde a changé depuis 1914. Barokun nin fana kalan jw.org kan: “Les avaliers de l’Apocalypse : qui sont-ils?”
Bibulu be se k’an dɛmɛ cogo min na
Ladili nafamanw be sɔrɔ Bibulu kɔnɔ minw be se k’an dɛmɛ ka gwɛlɛyaw muɲu i n’a fɔ dumuniko gwɛlɛyaw ani fɛɛnw sɔngɔ gwɛlɛyako. Bibulu ka ladili dɔw lajɛ barokun nin kɔnɔ: “Comment vivre avec moins.”
Bibulu be jigiya di an ma ko koow bena fisaya. A be wagati dɔ kofɔ o min na “suman [bena] ɲa jamana yɔrɔ bɛɛ” ani dumuni tɛna dɛsɛ hali dɔɔni mɔgɔ si fɛ (Zaburuw 72:16). Bibulu be jigiya min kofɔ siniɲasigi koo la ani fɛɛn min kama an be se ka la o la, walisa ka dɔ lɔn o koo la, barokun nin kalan: “Une spérance réelle pour des jours meilleurs.”
Découvrez aussi…
BIBULU KA KALAN JƆNJƆNW
Mun na Ala b’a to tɔɔrɔkow ka kɛ?
Mɔgɔ caaman b’u yɛrɛ ɲininga mun na dusukasi ni tɔɔrɔ fanin lo ten duniɲa kɔnɔ. Bibulu be jaabili ɲumanw di o koo la, minw b’an dusu saalo.
