An mako be min bɛɛ la walisa ka gwɛlɛyaw muɲu laban loon nunu na, o be sɔrɔ Ala ka Kuma kɔnɔ (2 Tim. 3:1, 16, 17). Nka tuma dɔw la, an mako be dɛmɛ na walisa ka Bibulu ka sariyakolo dɔw sɔrɔ minw ɲɛsinna koo tigitigi dɔ ma. Misali la, yala i ye bangebaga ye ani i be ladiliw ɲinina deenw lamɔcogo koo la wa? Yala i ye kanbele wala sunguru ye ani kɔrɔbɔli b’i kan i ka limaniya kosɔn wa? Yala i furuɲɔgɔn sara ani i dusu kasinin lo o kosɔn wa? I bena kunnafoniw sɔrɔ jw.org kan minw bena i ɲɛsin Bibulu ka sariyakolo tigitigi dɔw ma. O sariyakolow bena i dɛmɛ ka o gwɛlɛya ani gwɛlɛya wɛrɛw muɲu.—Talenw 2:3-6.

Yɔrɔ nin digi jw.org daminɛyɔrɔ la: BIBULU KA KALANW (jaa fɔlɔ lajɛ). Lisi min bena bɔ, yɔrɔ dɔ sugandi o yɔrɔ la min ɲɛsinnin be i ka koo ma. Wala yɔrɔ nin lajɛ: BIBLOTƐKI > BAROKUN MINW BE TO KA BƆ TUMA O TUMA, ani yɔrɔ min ɲɛsinnin be i ka koo ma, o sugandi (jaa 2nan lajɛ). I be se k’o sɔrɔ JW Library^® a la fana. Barokun minw be o yɔrɔw la, n’a sɔrɔ a bena diya i ye k’u lajɛ. Fɛɛrɛ wɛrɛ ye ka barokun tigitigi dɔ ɲini jw.org ɲinini kɛyɔrɔ la.

Kumasen nunu sɛbɛ jw.org ɲinini kɛyɔrɔ la ani barokun minw kalan bena diya i ye, u sugandi:

• Denmisɛnw lamɔcogo

• Kanbelew ni sunguruw

• Furuɲɔgɔn dɔ saya