Psalmowo 149:1-9
149 Mikafu Yah!*
Midzi ha yeye na Yehowa;+Mikafui le nuteƒewɔlawo ƒe ha la me.+
2 Israel nekpɔ dzidzɔ ɖe Ewɔla Gã la ŋu;+Zion viwo netso aseye ɖe woƒe Fia la ŋu.
3 Woaɖu ɣe atsɔ akafu eƒe ŋkɔ,+Woatsɔ axatsɛ kple saŋku aƒo ha akafui.+
4 Elabena Yehowa ƒe dukɔ ƒe nu nyoa eŋu.+
Etsɔa xɔname ɖoa atsyɔ̃ na ame fafawo.+
5 Nuteƒewɔlawo netso aseye le woƒe bubu ta;Wonegli kple dzidzɔ le woƒe abawo dzi.+
6 Mawukafukafuha nanɔ nu na wo,Eye yi nuevee nanɔ woƒe asiwo me,
7 Ne woabia hlɔ̃ dukɔwo,Eye woahe to na amehawo,
8 Ne woade kɔsɔkɔsɔ woƒe fiawo,Kple gakunyowu woƒe bubumewo,
9 Ne woahe ʋɔnudɔdrɔ̃ si woŋlɔ ɖi ɖe wo ŋu la ava wo dzi.+
Esiae nye bubu si woade eƒe nuteƒewɔlawo katã ŋu.
Mikafu Yah!*
Etenuŋɔŋlɔ
^ Alo, “Haleluyah!” “Yah” nye ŋkɔ Yehowa ŋɔŋlɔ kpuie.
^ Alo, “Haleluyah!” “Yah” nye ŋkɔ Yehowa ŋɔŋlɔ kpuie.
