Zefaniya 2:1-15
-
Di Yehowa hafi eƒe dzikudogbe naɖo (1-3)
-
Di dzɔdzɔenyenye kple ɖokuibɔbɔ (3)
-
“Ðewohĩ woatsɔ mi aɣla” (3)
-
-
Ʋɔnudɔdrɔ̃ dukɔ siwo ƒo ɣla Israel (4-15)
2 Oo dukɔ si ŋu mekpena o,Miƒo mia ɖokuiwo nu ƒu, ɛ̃, miƒo takpli.
2 Hafi ne nu si Mawu ɖo la nava eme,Hafi ŋkeke la nava yi abe ale si tsro ʋua yae ene,Hafi Yehowa ƒe dɔmedzoe helĩhelĩ nava mia dzi,Eye hafi Yehowa ƒe dzikudogbe nava mia dzi la,
3 Midi Yehowa, mi ame siwo katã bɔbɔ mia ɖokui ɖe anyi le anyigba dziHezɔna ɖe eƒe se dzɔdzɔewo* nu.
Midi dzɔdzɔenyenye, midi ɖokuibɔbɔ yome mɔ.
Ðewohĩ woatsɔ mi aɣla le Yehowa ƒe dzikudogbe la.
4 Elabena Gaza azu du si me ame aɖeke manɔ o;Eye Askelon azu aƒedo.
Woanya Asdod le ŋdɔkutsu dzatsɛ,Eye woaho Ekron kple ke.
5 “Baba na ame siwo le ƒutanuto la me, Keretitɔwo ƒe dukɔ la!
Yehowa ƒe nya tsi tre ɖe mia ŋu.
Oo Kanaan, Filistitɔwo ƒe anyigba, matsrɔ̃ wò,Ale be ame aɖeke masusɔ o.
6 Ƒutanuto la azu lãnyiƒe,Eye vudowo anɔ afi ma na lãkplɔviwo, eye alẽkpowo anɔ afi ma na alẽwo.
7 Nuto la azu Yuda ƒe aƒe la ƒe ame susɔeawo tɔ;Woaɖu gbe le afi ma.
Woatsyɔ akɔ ɖe Askelon ƒe aƒewo me le fiẽ.
Elabena Yehowa woƒe Mawu atrɔ susu ɖe wo ŋu,*Eye wòaƒo woƒe aboyomewo nu ƒu agbɔe.”
8 “Mese Moab ƒe alɔmeɖeɖe kple Amonitɔwo ƒe dzugbe,Ame siwo ɖe alɔme le nye dukɔ ŋu, eye wole kakam ɖe woƒe anyigba ŋu.
9 Eya ta zi ale si mele agbe la,” aʋakɔwo ƒe Yehowa,* Israel ƒe Mawu lae gblɔe,“Moab azu abe Sodom ene,Amon azu abe Gomora ene,Eye woazu ŋuve, dzeʋe kple gbegbe tegbee.
Nye dukɔ ƒe ame siwo kpɔtɔ la aha wo,Eye nye dukɔ ƒe ame susɔeawo axɔ wo wòazu wo tɔ.
10 Esiae adzɔ ɖe wo dzi ɖe woƒe dada ta,Elabena woɖe alɔme le aʋakɔwo ƒe Yehowa ƒe dukɔ ŋu hedo wo ɖokui ɖe dzi ɖe wo ŋu.
11 Yehowa anye ŋɔdzi na wo;Elabena ana anyigbadzimawuwo katã nazu tofloko,*Eye dukɔwo ƒe ƒukpowo katã ade ta agu nɛ,Ame sia ame le enɔƒe.
12 Mi Etiopiatɔwo, nye yi awu miawo hã.
13 Ado eƒe asi ɖa ɖe dziehe gome, eye wòatsrɔ̃ Asiria,Ana Niniwe nazu aƒedo, eye wòaƒu kplakplakpla abe gbegbe ene.
14 Lãhawo kple gbemelã ɖe sia ɖe ƒomevi* atsyɔ akɔ ɖe afi ma.
Aluge kple hlɔ̃made atsi eƒe sɔtiwo ƒe tawo dome adɔ.
Ha anɔ ɖiɖim le fesre nu.
Nuwo akaka ɖe woƒe kpuiwo nu;Eye sederʋuƒo atsi go.
15 Esiae nye du si dzi wodana ɖo si nɔ anyi bɔkɔɔ tsã,Si gblɔna le eƒe dzi me be: ‘Nyee, ame bubu aɖeke megali o.’
Oo aleke wòhezu ŋɔdzinu,Eye wòzu afi si gbemelãwo tsyɔa akɔ ɖo ale!
Ame sia ame si ato eŋu ava yi la alia aku; eye wòanyè asi.”
Etenuŋɔŋlɔ
^ Egɔmeɖeɖe tẽe, “ʋɔnudɔdrɔ̃wo.”
^ Alo, “alé be na wo.”
^ “Yehowa Zebaot” le Hebrigbe me.
^ Alo, “nayrɔ sũu.”
^ Egɔmeɖeɖe tẽe, “gbemelã siwo katã le dukɔwo me.”
