Ne míele Biblia xlẽmaa, míate ŋu azã dɔwɔnu vovovowo atsɔ aku nu me be míase egɔme. Gake menye kple susu be míanya nu geɖe ko o. Ke ele be míadze agbagba ade dzesi Yehowa ƒe nɔnɔmewo. Esia aʋã mí be míalɔ̃e geɖe wu. Be míate ŋu awɔ esia la, anyo be míabia mía ɖokui be, ‘Nu kae ŋutinya sia fiam tso Yehowa ŋu?’

Le kpɔɖeŋu me, dze agbagba nàde dzesi ale si Yehowa ɖe lɔlɔ̃, nunya, dzɔdzɔenyenye, ŋusẽ kple nɔnɔme nyui bubuwo fia le nu si xlẽm nèlea me. Gake nɔnɔme nyui bubu geɖe le Yehowa si si ŋu nàte ŋu asrɔ̃ nu tsoe. Afi kae nàte ŋu akpɔ nɔnɔme nyui siawo le?

Àkpɔe le Numekuku Ŋuti Mɔfiagbalẽ Na Yehowa Ðasefowo me. Di tanya gã si nye “Yehowa Mawu” kple tanya sue si nye “Yehowa ƒe nɔnɔmewo.” Le nyatsoƒe siwo dzi wotɔ asii mea, àte ŋu axlẽ nu tso Yehowa ƒe nɔnɔme si dze le nu si xlẽm nèle mea ŋu.