Ekpedi edi Ntiense Jehovah, ekpetie fi didie edieke ẹkpenọde mme bodisi ẹte ẹsan̄a ye afo ini osụk ọkwọrọde ikọ ke ufọk ke ufọk? Se ẹkenamde ẹnọ Joseph ke Micronesia edi oro, ke 2017. Enye ye Ntiense Jehovah ita en̄wen ẹketiene ẹka san̄asan̄a ukwọrọikọ emi ẹkediomide man ẹkekwọrọ ikọ ke mme isuo emi ẹdude ata nsannsan.

 Ke n̄kpọ nte n̄kanika 12 uwemeyo, mmọ mbinan̄ ẹma ẹkesịm ekpri isuo emi n̄kpọ nte owo 600 ẹdụn̄de. Ọbọn̄ obio oro ama edikọm mmọ ke esụk. Joseph ọkọdọhọ ete: “Ọbọn̄ obio oro ama ọdọhọ ke moto bodisi ekeme ndimen nnyịn nsan̄a ke kpukpru ufọk. Idem ama akpa nnyịn, edi ima idọhọ enye ukpono ukpono yak okûfịna. Ikoyom ndisan̄a ke idem nnyịn n̄kwọrọ ikọ ke ufọk ke ufọk nte isisụk inamde.”

 Joseph ye Mme Ntiese Jehovah ita eken ẹma ẹtọn̄ọ ndisan̄a n̄kwọrọ ikọ ẹnyụn̄ ẹbiere ndikwọrọ nnọ ediwak owo nte ẹkekeme. Mmọ ẹkedọhọ ẹte: “Mme owo do ẹma ẹfọn uwem ẹnyụn̄ ẹnyịme ndikop ukwọrọikọ nnyịn.” Ẹnyụn̄ ẹdọhọ ke “Oro ama anam ibiat ini ke ufọk kiet kiet ikan nte ikaduakde.”

 Ekem moto bodisi ama awat edibe Joseph ikaba, onyụn̄ atuak ada ini edide ndibe ọyọhọ ikata. Mme bodisi ẹma ẹbụp Joseph m̀mê imekeme ndiwat enye n̄ka mme ufọk enye mîkwọrọke ikọ kan̄a. Joseph ọkọdọhọ ete: “Mma ndọhọ mmọ ihih. Edi isan̄ enye emi mmọ ẹma ẹyịre. Mmọ ẹma ẹdọhọ mi ẹte, ‘Ini fo okokụre ama, ntre yak imen fi ika kpukpru ufọk se isụhọ oro.’ N̄kekemeke ndisịn aba sia ediwak ufọk ama odu emi mmen̄kọkwọrọke ikọ kan̄a. Nte ikperede ufọk kiet kiet, mme bodisi oro ẹma ẹsidọhọ mi enyịn̄ enyene ufọk oro ẹnyụn̄ edọhọ ke n̄kpọkọn̄ usụn̄ owo iwọrọke idi, ke iyefri ifiom moto mmimọ man mmọ ẹdiọn̄ọ ke owo ke oyom mmọ.”

 “Mmọ ẹma ẹn̄wam nnyịn ikeme ndikwọrọ ikọ ke kpukpru ufọk usen oro. Ima inọ mme owo ediwak n̄wed ikọ Abasi inyụn̄ idiomi ndifiak n̄ka mbịne mbon emi ẹkeyomde ndifiọk n̄kpọ en̄wen ke Bible.”

 Mme Bodisi oro ẹma ẹdọhọ Joseph ke “enen̄ede enem mmimọ ndikwọrọ eti mbụk.” Ini Mme Ntiense Jehovah oro ẹkenyọn̄ọde ke mbubreyo, mme bodisi ẹma ẹfụn̄ mmọ ubọk ye mme n̄wed ikọ Abasi ke ubọk, ke ẹsak ye inemesịt.