Bob akawat moto esie ọsọp n̄kpọ nte kilomita 100 ke hour ke Alberta ke Canada. Nte enye osụk awatde aka taya edem moto esie ama otop obomo; taya ubọk ufien ke ekedi. Snow ama ọduọ etieti usen oro. Bob ikọdiọn̄ọke se itịbede, ntre enye ama aka iso awat sia okosụhọ kilomita ition enye ndisịm ufọk.

 Ekem Bob ama ediwet leta ọnọ Ufọkmbono Obio Ubọn̄ Mme Ntiense Jehovah ke edem mmọ. Ke leta oro enye ama etịn̄ se iketịbede nte enye okosụk awatde aka ke usụn̄. Enye ekewet ete, “N̄kparawa ita ye n̄kaiferi iba ẹma ẹwat moto ẹdikpere moto mi, ẹsụhọde akrasi window moto mmọ, ẹnyụn̄ ẹdọhọ mi ke taya mi obomo.” Mma ntuak nda, mmọ ẹnyụn̄ ẹtuak ẹda ẹn̄wam mi ẹkpụhọ taya oro. N̄kọdiọn̄ọke m̀mê mmenyene taya en̄wen ye jack. Mma nsio n̄kpọitie mbon n̄kpọnnam nsụhọde ntie ke mbenusụn̄. Mmọ ẹma ẹdụk idak moto mi ẹse, ẹnyụn̄ ẹsio taya ye jack ẹda ẹkpụhọ taya oro okobomode. Kpukpru itie ama ebịt tutu sia snow ke ọkọduọ ke ubọk. Mmọ ẹkesịne ediye ọfọn̄, edi mmọ ẹma ẹkpụhọ taya oro ẹnọ mi ndien mfiak ntọn̄ọ uwat. N̄kpekekemeke ndinam oro ke idem mi.

 “Mmọkọm n̄kparawa ye n̄kaiferi oro ẹken̄wamde mi. Mmọ ẹkedi Mme Ntiense Jehovah; mmọ ẹkesụk ẹsan̄a ke ufọk mme owo ẹkwọrọ ikọ ke efak oro. Mmọ ẹkenam se mmọ ẹsikwọrọde. N̄kpakabiat ini etieti, n̄kpokonyụn̄ mbọ ata ufen ekpedi mmọ ikedịghe idin̄wam mi. Mmọkọm mmọ etieti. N̄kọdiọn̄ọke ke mmọ ẹsifọn uwem ntre.”