Edieke owo anamde idiọkn̄kpọ, ituaha n̄kpọfiọk ke se enye akanamde inyụn̄ imaha ndikpụhọde, Abasi idifenke idiọkn̄kpọ esie. Nso ikeme ndinam owo etie ntem?

 Abasi esifen mbon emi ẹkabarede esịt, ẹdude uwem nte enye oyomde, ẹnyụn̄ ẹbuọtde idem ye Jesus Christ. (Utom 3:19, 20) Edi owo ekeme ndinam idiọkn̄kpọ tutu odụk enye eyịp inyụn̄ imaha ndikpụhọde. Bible ọdọhọ ke esịt utọ owo emi ọdiọk etieti, koro idiọkn̄kpọ anam esịt esie ọsọn̄. (Mme Hebrew 3:12, 13) Utọ owo emi ebiere ke esịt esie ndisọn̄ ibuot ye Abasi, enye idikpụhọkede koro esịt esie etie nte mbateso emi asatde, owo idikemeke ndinen̄ede ebiet emi akwan̄ade. (Isaiah 45:9) Inyeneke se utọ owo emi ekemede ndinam emi edinamde Abasi efen ọnọ enye.—Mme Hebrew 10:26, 27.

 Ndusụk mme adaiso Ido Ukpono Mme Jew ke eyo Jesus ẹma ẹnam utọ idiọkn̄kpọ emi. Mmọ ẹma ẹdiọn̄ọ ke Jesus akada edisana spirit anam utịben̄kpọ, edi mmọ ẹsu nsu ẹte ke enye ada odudu Satan anam.—Mark 3:22, 28-30

Idiọkn̄kpọ emi Abasi ekemede ndifen

•  Ndisụn̄i Abasi ke ntak unana ifiọk. Enyene ini emi apostle Paul ekedide osun̄i isụn̄i, edi enye ọkọdọhọ ete: “Ẹma ẹtua mi mbọm, koro n̄kananade ifiọk n̄konyụn̄ nnamde n̄kpọ ke unana mbuọtidem.”—1 Timothy 1:13.

•  Efịbe. Bible ọdọhọ ke enyene ndisụk mbon emi ẹkesịnde efịbe, edi ẹma ẹkabade esịt, ndien Abasi ama efen ọnọ mmọ.—1 Corinth 6:9-11.

“Ndi mmanam idiọkn̄kpọ emi Abasi mîdifenke?”

 Edieke enen̄erede asua mme idiọkn̄kpọ emi ekesinamde onyụn̄ oyomde ndikpụhọde ke ofụri esịt fo, ọwọrọ unamke idiọkn̄kpọ emi Abasi mîdifenke. Owo ekeme ndidue n̄kpọ kiet ediwak ini edi Abasi osụk efen ọnọ enye edieke enye mîkohokoi inam, ndien ke onyụn̄ odomo ukeme nditre n̄kpọ oro.—Mme N̄ke 24:16.

 Ndusụk owo emi esịt esimiade ufen kpukpru ini ẹsikere ke ekeme ndidi imanam idiọkn̄kpọ emi Abasi mîdifenke. Edi, Bible ọdọhọ ke esịt nnyịn ekeme ndibian̄a nnyịn̄. (Jeremiah 17:9) Abasi inọhọ nnyịn odudu ndikpe ikpe nnọ owo ndomokiet, inyụn̄ idọhọke ikpe ikpe inọ idem nnyịn. (Rome 14:4, 12) Enye ekeme ndifen nnọ nnyịn kpa ye oro esịt amiade nnyịn ufen.—1 John 3:19, 20.

Ndi Judas Iscariot ama anam utọ idiọkn̄kpọ emi?

 Ih! Ama anam. Idiọkitọn̄ esie ama anam enye esiyịp okụk emi ẹkesitịpde man ẹda ẹnam n̄kpọ Abasi. Enye akanam nte imenen̄ede ikere iban̄a mme ubuene, ke ini edide enye okoyom okụk se eyịpde. (John 12:4-8) Idiọkn̄kpọ ama odụk Judas idem tutu enye atap Jesus ọnọ mme asua onyụn̄ ọbọ mbak silver 30. Jesus okokot enye “eyen nsobo,” sia Jesus ama ọdiọn̄ọ ke inyeneke se idinamde Judas akabade esịt. (John 17:12) Emi ọwọrọ ke Judas idisetke tutu amama.—Mark 14:21.

 Judas ikatuaha n̄kpọfiọk inyụn̄ ikabade esịt. Enye akayarade idiọkn̄kpọ esie ọnọ mme adaiso ido ukpono emi ẹkedụkde odu ye enye ẹwot Jesus, utu ke ndiyarade nnọ Abasi.—Matthew 27:3-5; 2 Corinth 7:10.