1 Timothy 4;1-16
4 Nte ededi, ikọ odudu spirit enen̄ede ọdọhọ ete ke ukperedem ini+ ndusụk owo ẹyeduọn̄ọ ẹkpọn̄+ mbuọtidem, ẹyenyụn̄ ẹkpan̄ utọn̄ ẹnọ mme ikọ+ ndiọi spirit emi ẹtụnde owo usụn̄ ye ukpepn̄kpọ mme demon,+
2 ebe ke mbubịk mbon oro ẹsude nsu,+ emi ubieresịt+ mmọ odorode ufiọn nte n̄kpọ eke ẹdade ufiop ukwak ẹnịm mbọn;
3 mmọ ẹkpan owo ndidọ ndọ,+ ẹwụk ẹte ẹbet udia+ emi Abasi okobotde+ ete mbon oro ẹnyenede mbuọtidem+ ẹnyụn̄ ẹtịmde ẹfiọk akpanikọ ẹbọ ẹdia ye ekọm.
4 Ntak edi nte ke kpukpru se Abasi okobotde ẹfọn,+ n̄kpọ ndomokiet inyụn̄ idịghe se ẹkpesịnde+ edieke ẹbọde ye ekọm,+
5 koro ikọ Abasi ye akam oro ẹbọn̄de ẹnam enye asana.
6 Ke ọnọde nditọete mme item emi, afo eyedi eti asan̄autom Christ Jesus, emi ẹbọkde ke ikọ mbuọtidem ye eti ukpepn̄kpọ+ emi afo etienede ketket.+
7 Edi sịn ndikop mme nsunsu mbụk+ emi ẹsabarede se isanade emi n̄kani iban ẹbụkde. Ke n̄kan̄ eken, nọ idemfo ukpep ye uduak edinyene uten̄e Abasi.+
8 Koro edisịn̄ede idem enyene esisịt ufọn; edi uten̄e+ Abasi enyene ufọn ke kpukpru n̄kpọ,+ koro enye akamade un̄wọn̄ọ uwem idahaemi ye eke uwem oro edidide.+
9 Ikọ emi edi akpanikọ onyụn̄ odot ẹbọ ọyọhọ ọyọhọ.+
10 Koro emi anam nnyịn isịn idem inam utom ọkpọsọn̄,+ koro nnyịn idoride enyịn+ ke odu-uwem Abasi, emi edide Andinyan̄a+ kpukpru orụk owo,+ akpan akpan mme anam-akpanikọ.+
11 Ka iso nọ mme ewụhọ+ emi nyụn̄ kpep mmọ.+
12 Kûyak baba owo kiet ese fi ke usụhọde ke ntak emi afo edide uyen.+ Edi, di uwụtn̄kpọ+ nọ mbon oro ẹnamde akpanikọ+ ke ikọ ye ke edu uwem ye ke ima ye ke mbuọtidem ye ke edisana ido.+
13 Tutu ndi, sịn idem ke edikot+ n̄wed nnọ owo,+ ye ke edinọ item ye ke edinọ owo ukpep.
14 Kûfụmi enọ+ oro odude fi ke idem oro ẹkenọde fi ebe ke se ẹkebemde iso ẹtịn̄+ ẹban̄a fi ye ke ini otu mbiowo ẹkedoride fi ubọk.+
15 Tie kere mme n̄kpọ emi;+ sịn idem ke mmọ ofụri ofụri, man kpukpru owo ẹkpekụt n̄kọri+ fo.
16 Kpeme idemfo kpukpru ini+ nyụn̄ kpeme se afo ekpepde+ owo. Sọn̄ọ yịre ke mme n̄kpọ emi, koro ke ndinam emi afo ayanyan̄a idemfo ye mmọ emi ẹkopde uyo fo.+
